Փորձագետներ. ԵՏՄ-ն դեռ պետք է ամրության լրջագույն փորձություն անցնի17 փետրվարի 2015 - 12:07 AMT PanARMENIAN.Net - Եվրասիական տնտեսական միությունը (ԵՏՄ), որը սկսեց գործել տարեսկզբից, դեռ պետք է ամրության լրջագույն փորձության ենթարկվի: Խնդիրների արդյունավետ ու արագ լուծման համար պետք է ինտեգրման գործընթացներում լրջորեն ներգրավել նաև բիզնեսը, կարծում են վերլուծաբաններն ու գործարար շրջանակների ներկայացուցիչները: Եվրասիական գործարար խորհրդի նախագահ Օլեգ Վելիկորեդչանինը, անդրադառնալով դժվարություններին, նշել է, որ դրանք առաջանում են մաքսային բեռների ձևակերպման, ինչպես նաև պետությունների ակցիզների ու հարկերի ոլորտներում տարբերությունների պատճառով: Ըստ գործարարի, անհրաժեշտ է համալիր մոտեցում խնդիրների լուծմանը: Դժվարություններից մեկը «գորշ ներկրումն է»: Վելիկորեդչանինը նշել է, որ խնդիրն այն է, որ ԵՏՄ-ում Մոսկվայի գործընկերները կարող են միայն «բարոյապես սատարել» անցած ամռանից գործող սննդամթերքի էմբարգոյին, քանի որ այս պահին այդ ոլորտում գործող իրավական գործիքներ չկան, հայտնում է Investtalk.ru-ն: «Բազում օրինակները վկայում են, որ այս պահին բացակայում են «գորշ ներմուծմանը» խոչընդոտող իրավաբանական հնարավորությունները: Իրական արդյունքներ տվող կարևոր լծակ են տարանցիկ բեռների ստուգումները, որոնք Բելառուսից Ղազախստան են տեղափոխվում Ռուսաստանի տարածքով: Սակայն մենք լիազորված չենք ստուգումներ անցկացնել: Այդ մարտահրավերը շատ լուրջ է, այն ԵՏՄ ամրության փորձաքարը կդառնա»,-ասել է նա: ՌԴ Առևտրա-արդյունաբերական պալատի սպառողական շուկայի զարգացման հանձնախմբի ղեկավար Ալեքսանդր Բորիսովը կարծիք է հայտնել որ ԵՏՄ դժվարությունները սպասելի էին, սակայն դրանք հնարավոր չէ արագ լուծել: «Որպեսզի շուկան աշխատի, պահանջվում է տնտեսության գլխավոր դրույթների ամրապնդում, ոչ թե կարգախոսներ, կարևոր է այդ շուկան ձևավորողների վարքագիծը: Հաճախ իշխանությունները մոլորության մեջ են, որ այս կամ այն խնդիրը լուծելու համար բավական է պայմանագիր ստորագրել կամ օրենք ընդունել»,-ասել է նա: Փորձագետը վստահություն է հայտնել, որ շատ բան որոշում է գործարարների ներգրավվածության աստիճանն այս կամ այն գործընթացին, որոնք նոր են հայտնվոըւմ ԵՏՄ հիմնարար փաստաթղթերում: Խոչընդոտների թվում Բորիսովը նշեց այն, որ շատ հետխորհրդային հանրապետություններում շատ բան նույն մակարդակում է մնացել: Այդպես, եթե ԵՄ-ում պարենային քաղաքականությունը միասնական է, ապա ԵՏՄ-ում ինքնաապահովման մակարդակն ու ագրարաարդյունաբերական համալիրի զարգացման մակարդակը տարբեր է: Հայաստանը ԵՏՄ-ին անդամակցելու համաձայնագիրը կնքեց հոկտեմբերի 10-ին և ԵՏՄ լիիրավ անդամ դարձավ 2015-ի հունվարի 2-ին: Անդամակցության պայմանագրով նախատեսվում է 1-8 տարի Հայաստանի և ԵՏՄ մաքսային տոկոսադրույքների ներդաշնակեցման համար, 12-60 ամիս՝ Մաքսային միության տեխնիկական կանոնակարգերի ընդունման, 3 տարի՝ մտավոր սեփականության օբեյկտների իրավունքների պահպանության ու պաշտպանության հարցերի կարգավորման համար: Անցումային շրջանում ԵՏՄ-ն իրավունք ունի որոշելու Հայաստանի տարածք իր ապրանքների ներմուծման հատուկ կարգը: Պայմանագրով նախատեսվում են նաև ապրանքների տեղափոխման առանձնահատկությունները օտար պետությունների տարածքով: Հայաստանը կստանա ԵՏՄ մաքսային մուտքերի 1,13 տոկոսը: ԵՏՄ կենտրոնակայանը լինելու է Մոսկվայում, ֆինանսական կանոնակարգողը՝ Ալմաթիում, իսկ ԵՏՄ դատարանը՝ Մինսկում: Բելառուսը նաև իրավունք է ստացել նախագահելու միությունում 2015 թ.: Ընթացիկ տարում միությանը կարող է միանալ նաև Ղրղզստանը: Հղումներ թեմայով. Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Մոլդովան առաջին երկիրն է, որն անվտանգության և պաշտպանության համաձայնագիր է ստորագրել ԵՄ-ի հետ Բորելն ընդգծել է, որ ԵՄ–ն կշարունակի սատարել Մոլդովային ԵՄ–ին անդամակցելու ճանապարհին Հայտնի են «Ոզնի» մրցաշարի հաղթող թիմերը Evocabank-ի մասնակցությամբ կայացել է պատվոգրերի և նվերների հանձնման արարողությունը: Սերժ Սարգսյան․ Վերադառնալու ցանկություն չունենք՝ կսատարենք Բագրատ սրբազանի առաջարկած վարչապետի թեկնածուին Նա հայտարարել է, որ իրենք ամբողջովին սատարում են այս շարժմանը Հնագիտական հուշարձանների տարածքում, այդ թվում՝ Կարմիր բլուրում, պեղումների թույլտվություններ են տրվել Խոսքը 32 հուշարձանի մասին է |