Բելգիայում քննարկել են ԵՄ և ԵՏՄ միջև տնտեսական կապերի անհրաժեշտությունը 2 մարտի 2015 - 12:18 AMT PanARMENIAN.Net - Բելգիայում և Լյուքսեմբուրգում ՌԴ առևտրի ներկայացուցչությունը Բելգիա-Լյուքսեմբուրգ առևտրի պալատի հետ համատեղ բիզնես առաքելություն և Բելգիայում ԵՏՄ երկրների պետական ու գործարար շրջանակների խորհրդաժողով է անցկացրել ՌԴ և Բելառուսի համար: Խորհրդաժողովին սատարել են Բելգիայում Բելառուսի և Ղազախստանի դեսպանությունները: Իրադարձությանը մասնակցել է Բելգիայի ու Լյուքսեմբուրգի պետական կառույցների ու գործարար շրջանակների, տարածաշրջանային առևտրի պալատների ու միջազգային առևտրի զարգացմանը նպաստող մոտ 50 ներկայացուցիչ: Գործարար առաքելության շրջանակում կազմակերպվել է հեռուստախորհրդաժողով Եվրասիական տնտեսական հանձնաժողովի մի շարք դեպարտամենտների մասնակցությամբ, անցկացվել է ինտեգրացիոն միավորման շնորհանդես, ներկայացվել են լիազորություններն ու իրավասությունները, ընթացիկ գործունեությունն ու աշխատանքի հեռանկարներy մոտակա և միջնաժամկետ հեռանկարում: Մասնակիցներին ներկայացվել է ԵՏՄ և անդամ երկրների ներուժը, քննարկվել են նոր նախագծերի կազմակերպման հնարավորությունները, հայտնում է Tpp-inform.ru-ն: Միջոցառման ավարտին փորձագետները նշել են, որ կարևոր է օգտագործել ԵՄ և ԵՏՄ միջև շփումների զարգացման մեծ ներուժը, զարգացնել առևտրատնտեսական կապերը եվրոպական երկրների ու ԵՏՄ անդամ պետությունների միջև, առևտրի ներդաշնակեցված կանոններ ու պայմաններ ստեղծել, իրավահավասարության ու փոխադարձ շահի հիման վրա: Հայաստանը ԵՏՄ-ին անդամակցելու համաձայնագիրը կնքեց հոկտեմբերի 10-ին և ԵՏՄ լիիրավ անդամ դարձավ 2015-ի հունվարի 2-ին: Անդամակցության պայմանագրով նախատեսվում է 1-8 տարի Հայաստանի և ԵՏՄ մաքսային տոկոսադրույքների ներդաշնակեցման համար, 12-60 ամիս՝ Մաքսային միության տեխնիկական կանոնակարգերի ընդունման, 3 տարի՝ մտավոր սեփականության օբեյկտների իրավունքների պահպանության ու պաշտպանության հարցերի կարգավորման համար: Անցումային շրջանում ԵՏՄ-ն իրավունք ունի որոշելու Հայաստանի տարածք իր ապրանքների ներմուծման հատուկ կարգը: Պայմանագրով նախատեսվում են նաև ապրանքների տեղափոխման առանձնահատկությունները օտար պետությունների տարածքով: Հայաստանը կստանա ԵՏՄ մաքսային մուտքերի 1,13 տոկոսը: ԵՏՄ կենտրոնակայանը լինելու է Մոսկվայում, ֆինանսական կանոնակարգողը՝ Ալմաթիում, իսկ ԵՏՄ դատարանը՝ Մինսկում: Բելառուսը նաև իրավունք է ստացել նախագահելու միությունում 2015 թ.: Ընթացիկ տարում միությանը կարող է միանալ նաև Ղրղզստանը: Photo: Tpp-inform.ru Հղումներ թեմայով. Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |