Թուրքիան պատրաստ է ԵՄ-ին անդամակցելու համար 60.000 զինվորական «վճարել»11 մարտի 2015 - 17:46 AMT PanARMENIAN.Net - Թուրքիան Եվրամիությանն անդամակցելու դեպքում պատրաստ է կառույցին տրամադրել 60.000 զինվորական, հայտարարել է երկրի ԵՄ հարցերով նախարար Վոլքան Բոզքըրը, գրում է «ՌԻԱ Նովոստի»-ն: Թուրքիայում Չեխիայի դեսպան Պավել Կաֆկայի հետ հանդիպմանը Բոզքըրը նշել է, որ Եվրամիությունը մինչև հիմա սեփական բանակ չունի և այդ պատճառով էլ «դրսևորվում է որպես փափուկ ուժ»: Ավելի վաղ ՆԱՏՕ-ի գլխավոր քարտուղար Յենս Սթոլթենբերգը, մեկնաբանելով ԵՄ զինված ուժերի հնարավոր ստեղծման հարցը, հայտարարել էր, որ ԵՄ բանակը չպետք է կրկնօրինակի ՆԱՏՕ-ի գործառույթները: Մարտի սկզբին Եվրահանձնաժողովի նախագահ Ժան Կլոդ Յունկերը հայտարարել էր, որ անհրաժեշտ է կազմել եվրոպական միասնական զորքեր: Նրա խոսքով՝ այդ զինված ուժերը կօգնեն ԵՄ երկրներին «վարել ընդհանուր արտաքին քաղաքականություն և անվտանգության քաղաքականություն», ինչպես նաև «միասին պատասխանատվություն կրել» միջազգային թատերաբեմում կատարվող իրադարձությունների համար: 2015-ի հունվարին Թուրքիայի նախագահ Ռեջեփ Թայիփ Էրդողանը հայտարարեց. «Թուրքիան կորցրել է ԵՄ-ի անդամ դառնալու հարցում հետաքրքրությունը: Եթե ԵՄ-ում կարծում են, որ Թուրքիան խնդրելու է անդամակցել, սխալվում են»: Ավելի վաղ այս մասին խոսել էր փոխվարչապետ Բյուլենթ Առինջը, իսկ ԵՄ հարցերով նույն նախարարը ընդգծել էր, որ ԵՄ-ին անդամակցության շուրջ բանակցությունները չեն կարող ընթանալ այն ձևաչափով, որը պահանջում է կառույցը: Պաշտոնական Անկարան ԵՄ անդամակցության համար պաշտոնապես բանակցում է 2005 թվականից: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |