ԶԼՄ-ներ. Ռուսաստանում ազգությունների գծով դաշնային գործակալություն կստեղծվի13 մարտի 2015 - 13:22 AMT PanARMENIAN.Net - Ազգությունների գծով դաշնային գործակալություն է նախատեսվում ստեղծել ՌԴ-ում, գերատեսչությունը կզբաղվի ազգամիջյան և միջկրոնական հարաբերությունների ոլորտում պետական քաղաքականության իրականացմամբ: Ինչպես գրում է «Իզվեստիա» թերթը, նախագահ Պուտինը հանձնարարել է վարչապետ Դմիտրի Մեդվեդևին մինչև ապրիլի 15-ը առաջարկություններ ներկայացնել Ազգությունների գծով դաշնային գործակալության ստեղծման վերաբերյալ: Ինչպես ասվում է նյութում, Ռուսաստանում ազգամիջյան հարաբերությունների բոլոր հարցերով կզբաղվի մեկ միասնական մարմին: Գերատեսչության գլխավոր խնդիրը կլինի ազգամիջյան և միջկրոնական հարաբերությունների ոլորտում պետական քաղաքականության իրականացումը: Գործակալությունն անմիջապես կենթարկվի կառավարության նախագահին: Ազգամիջյան հարցերով զբաղվող գերատեսչությունը վերաբացելու մասին առաջարկները պարբերաբար հնչեցվում են 2001 թ. Դաշնության, ազգային ու միգրացիոն քաղաքականության նախարարության լուծարումից ի վեր: Այն ժամանակ գերատեսչության գործառույթները փոխանցվեցին ՆԳՆ-ին ու ԱԳՆ-ին, ինչպես նաև մասնակիորեն տնտեսական զարգացման ու առևտրի նախարարությանը: Մինչ 2004 թ. ազգային քաղաքականությունը համակարգում էր առանց պորտֆելի նախարար Վլադիմիր Զորինը: Ինչպես պարզաբանել է նախագահի վարչակազմին մոտ պարբերականի աղբյուրը, նոր դաշնային գործակալությունը զբաղվելու է բազմազգ ՌԴ ժողովրդի միասնության ամրապնդմամբ՝ ապահովելով ազգամիջյան ու միջկրոնական հաշտություն: Գերատեսչությունը նաև կզբաղվի ռուսաստանաբնակ ժողովրդների ազգային մշակութային զարգացմամբ, կմշակի ու կկատարի պետական ու դաշնային նպատակային ծրագրեր ազգամիջյան հարաբերությունների ոլորտում, ինչպես նաև պետական հսկողություն կսահմանի այդ ոլորտում: Պարբերականը չի կարողացել մեկնաբանություն ստանալ վարչապետի մամուլի ծառայությունից: «Ամեն դեպքում գործադիր մարմին պետք է լինի, որը կյանքի կկոչի ազգային ռազմավարությունը մինչև 2025 թ.: Գոյություն ունի նախագահական խորհուրդ, որը շատ բան է անում, սակայն այն հավաքվում է տարին երկու անգամ: Մեր կոմիտեն Պետդումայում շատ հարցեր է պատրաստում՝ պատմության դասագրքի, ազգային ու հայրենասիրական դաստիարակության վերաբերյալ: Սակայն մեր կոմիտեն գործընկեր չունի: Մենք այս տարիներին կարևոր օրենքներ ենք ընդունել, սակայն դա դժվար է արվում: Եթե գործակալություն լինի, դա ինչ-որ չափով կկանոնակարգի աշխատանքը»,-ասել է ՌԴ Պետդումայի ազգությունների գծով կոմիտեի նախագահ Հաջիմետ Սաֆարալիևը: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |