Գերմանաբնակ թուրք քաղաքական գործիչը Գերմանիայից պահանջում է ճանաչել Ցեղասպանությունը13 մարտի 2015 - 17:01 AMT PanARMENIAN.Net - Գերմանիայում «Կանաչների կուսակցության» համանախագահ ազգությամբ թուրք Ջեմ Օզդեմիրը Գերմանիայի կառավարությանը կոչ է արել ճանաչել 100 տարի առաջ Օսմանյան կայսրությունում հայերի դեմ իրականացված ցեղասպանությունը, գրում է թուրքական «Hurriyet»-ը: Օզդեմիրն ասել է, որ 100-րդ տարելիցին արդեն հասունացել է ցեղասպանություն եզրույթը այլևս չթաքցնելու պահը: Նա ափոսոսանք է հայտնել, որ Գերմանիայի կառավարությունը պատշաճ կերպով չի քննադատում 1915-1916թթ. իրագործված արյունալի հանցագործությանը: Ավելի վաղ հայտնի դարձավ, որ Հայոց ցեղասպանության 100-րդ տարելիցին ընդառաջ հայտնի գերմանացի պատմաբան Միքայել Հեսմանը հայտարարել է Վատիկանի գաղտնի արխիվներում մինչ օրս չհրապարակված 2000 էջանոց փաստաթղթերի հայտնաբերման մասին, որոնք անվանել է «պատմության մեջ քրիստոնյաների ամենամեծ հետապնդումը»: Անդրադառնալով փաստաթղթերի հայտնաբերմանը պատմությանը՝ Հեսմանն ասել է. «Ինձ հետաքրքրեց Հայոց ցեղասպանության թեման, երբ կարդացի Քյոլնի արքեպիսկոպոս Կարդինալ ֆոն Հարտմանի` 1913-ին գրված նամակը` ուղղված Գերմանիայի Ռեյխի կանցլերին, որում խնդրում էր օգնել՝ կանխելու Հայոց նոր ցեղասպանությունը Թուրքիայի հյուսիս-արևելքից ռուսական զորքերի դուրսբերումից հետո: Այնուհետև նոր և նոր փաստաթղթեր հայտնաբերեցի, ավելի քան 2000 էջ, որոնց մեծամասնությունը ոչ հրապարակվել է, ոչ էլ ուսումնասիրվել որևէ պատմաբանի կողմից: Մինչ այդ ուսումնասիրելով Ցեղասպանության թեման` ծանոթ էի Գերմանիայի արտաքին գործերի նախարարության արխիվներում պահվող փաստաթղթերին, որոնք պատրաստվել էին օսմանյան պաշտոնյաների ու դիվանագետների կողմից, իսկ այս փաստաթղթերը նոր ուսումնասիրության թեմա են: Խոսելով հնարավոր զարգացումների մասին գերմանացի պատմաբանը հատուկ նշեց, որ Թուրքիայի կառավարությունը նույն կրքով փորձում է համաշխարհային գրականության մեջ բոլոր միջոցներով ջնջել Հայոց ցեղասպանության հետքը` կանխելով հայոց կոտորածների` որպես ցեղասպանություն ճանաչումը: «Բայց տեղի է ունեցել ցեղասպանություն` ըստ ՄԱԿ-ի սահմանման, ինչպես նաև քրիստոնյաների ամենամեծ հալածանքը պատմության մեջ, որին զոհ գնաց միլիոն ու կես հայ և մոտ մեկ միլիոն քրիստոնյա սիրիացիներ և հույներ»,-ասել է գերմանացի պատմաբանը: Photo: Lawinrussia.ru Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա Ամենաընթերցվողը բաժնում | Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը Աբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին Աբրահամյանն ու Օհանյանը սահմանազատմանը վերաբերող հարցեր են քննարկել ԵՄ դեսպանի հետ Բաքվի բանտերում գտնվող Արցախի նախկին ռազմաքաղաքական ղեկավարների խնդիրը |