Պատգամավոր. Վախի մթնոլորտն Ադրբեջանում դժվար է հաղթահարել և մարդիկ նախընտրում են չմասնակցել Եվրանեսթին16 մարտի 2015 - 15:42 AMT PanARMENIAN.Net - «Ադրբեջանի ներկայացուցիչների չմասնակցելու պատճառը որևէ մեկի համար գաղտնիք չէ»,-այսօր ՀՀ Ազգային ժողովում տեղի ունեցած «Եվրանեսթ» միջխորհրդարանական վեհաժողովի 4-րդ լիագումար նիստում հայտարարել է ԱԺ «Ժառանգություն» խմբակցության պատգմավոր Թևան Պողոսյանը` անդրադառնալով Ադրբեջանի պատվիրակության բացակայության խնդրին: «Եթե վերջին երկու տարվա կտրվածքով նայենք, ադրբեջանական ցանկացած հասարակական կազմակերպություն, երբ մասնակցել է տարածաշրջանային միջոցառումներին, որտեղ հայկական մասնակցություն է եղել, այսօր գտնվում է կամ բանտում, կամ էլ փախել է Ադրբեջանից»,- ասել է Թևան Պողոսյանը: Նրա խոսքով` այդ վախի մթնոլորտը, որ ձևավորվել է Ադրբեջանում, ստիպել է, որ նույնիսկ Ադրբեջանի քաղաքացիական հասարակության ներկայացուցիչներն այստեղ ներկա չլինեն: Քանի որ Երևանից վերադառնալուց հետո կհայտնվեին հատուկ ծառայությունների կամ այլ հետապնդումների ներքո: «Ցավով պետք է ասել, որ ցանկացած ծրագրից հետո, այն կազմակերպությունը, որն ունեցել է հայկական գործընկերների հետ հանդիպում, մեղադրվել է ազգային դավաճանության մեջ: Ուստի վախի մթնոլորտը դժվար է հաղթահարել և մարդիկ նախընտրում են չգալ»,- նշել է պատգամավորը: Մինչդեռ, ըստ Պողոսյանի, հայկական պատվիրակությունը Բաքվում մասնակցել էր Եվրանեսթի նիստին, և դա ենթադրում էր, որ մասնակցությունը փոխադարձ պետք է լինի, սակայն պայմանավորվածությունը չի հարգվել, հայտնում է Panorama.am-ը: ՀՀ Ազգային ժողովում մեկնարկել է Եվրանեսթ միջխորհրդարանական վեհաժողովի 4-րդ լիագումար նիստը, որն անցկացվում է Արևելյան գործընկերության (ԱլԳ) երկրների քաղաքացիական հասարակության ազգային պլատֆորմների և հասարակական կազմակերպությունների ներկայացուցիչների հետ: Բացման խոսքով հանդես է եկել Եվրանեսթի փոխնախագահ Հեիդի Հաութալան, որը ողջունել է ներկաներին ու շնորհակալություն հայտնել կազմակերպչական աշխատանքների համար: Նիստը վարում է Տարածքաշրջանային հետազոտությունների կենտրոնի ղեկավար Ռիչարդ Կիրակոսյանը: ԱլԳ քաղաքացիական հասարակության ֆորումի Ղեկավար կոմիտեի համանախագահ Քշիշտոֆ Բոբինսկին իր ելույթում արժևորել է հատկապես վերջին տարիներին շատ երկրներում քաղաքացիական հասարակությունների կայացումը: Նա ցավով նշեց, որ ադրբեջանական պատվիրակությունն այստեղ չէ: «Հուսով եմ, որ կգա մի ժամանակ, երբ Եվրանեսթի ադրբեջանական պատվիրակությունը կկարողանա այցելել այստեղ»: Ավելի վաղ «Հայկական ժամանակ»-ը գրել էր, որ, Եվրանեսթ ԽՎ 4-րդ լիագումար նիստին մասնակցելու նպատակով Երևան կժամանի ադրբեջանական պատվիրակությունը՝ Թուրքիայի կառավարության խնդրանքով: Թուրքիայում համոզված էին, որ եթե ադրբեջանցիները չգան, Ցեղասպանության 100-րդ տարելիցի բանաձևը կընդունվի առանց առարկությունների։ Ընթերցեք նաև. Երևանում մեկնարկել է Եվրանեսթ ԽՎ լիագումար նիստը. Ադրբեջանցիները չեն ժամանել Ուշագրավ Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Իրանի նախագահի և նրան ուղեկցող անձանց հուղարկավորությունը տեղի կունենա մայիսի 21–ին Այլ մանրամասներ չեն ներկայացվում «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Ամենաընթերցվողը բաժնում | Դորտմունդի «Բորուսիան» հետաքրքրված է Սպերցյանով Սպերցյանի ներկայիս աշխատանքային պայմանագիրն ակումբի հետ նախատեսված է մինչև 2026 թվականի ամառը ՀՀ–ն Մոլդովայում մասնակցում է ՆԱՏՕ-ի Regex 2024 զորավարժությունների հերթական փուլին Զորավարժությունները, որոնց մասնակցում է ՆԱՏՕ–ի գործընկեր մոտ 30 երկիր, կտևեն մինչև մայիսի 24–ը Նարեկ Սամսոնյանն ու Վազգեն Սաղաթելյանն ազատ են արձակվել Նրանք 3 ամիս չեն կարողանալու վարել իրենց հաղորդումը Քո տունը Հայաստանում է․ Ամերիաբանկն առաջարկում է հիփոթեքային վարկեր Սփյուռքի համար Առաջարկից օգտվելու համար անհրաժեշտ է Ամերիաբանկի կայքում լրացնել համապատասխան հայտը |