Լիբանանահայ պատգամավոր. Թուրքիայից հայերը պահանջում են ճանաչում, ներողություն և հողերի փոխհատուցում25 մարտի 2015 - 18:57 AMT PanARMENIAN.Net - ՀՅԴ Լիբանանի Կենտրոնական կոմիտեի ներկայացուցիչ, Լիբանանի խորհրդարանի պատգամավոր Հակոբ Բագրատունին NBN հեռուստաալիքի եթերում, խոսելով Հայոց ցեղասպանության մասին, հայտարարել է, որ «հարյուր տարի անց ևս պահանջելու ենք մեր իրավունքները»: Պատգամավորը վերահաստատել է Թուրքիայից հայերի պահանջները՝ այն է Օսմանյան կայսրության կողմից Հայոց ցեղասպանության ճանաչում, ներողություն խնդրել և կորցրած հողերի փոխհատուցում, Aztag Daily-ին հղումով գրում է Panorama.am-ը: «Այսօրվա Թուրքիան նույն Օսմանյան Թուրքիան է»,- ասել է Բագրատունին` ավելացնելով, որ Հայոց ցեղասպանությունը կրոնի հետ կապ չունի: Նա նաև ելույթի ժամանակ դիմել է Լիբանանի կառավարությանը` խնդրելով Լիբանանում ապրիլի 24-ը հռչակել սգո օր: Բագրատունին նաև շեշտել է Թուրքիայի այժմյան դերակատարությունը ահաբեկչական զինված խմբավորումների գործունեության մեջ` օրինակ բերելով եզդիների կոտորածը և Իրաքում Նինվե նահանգում տեղի ունեցած դեպքերը: 1997թ. ապրիլի 3-ին Լիբանանի Ազգային Ժողովն ընդունեց որոշում, որով ճանաչում է ապրիլի 24-ը` Հայոց Ցեղասպանության զոհերի հիշատակի օր: Որոշումը կոչ է անում Լիբանանի ժողովրդին այդ օրը լինել հայ ժողովրդի կողքին: 2000թ. մայիսի 12-ին Լիբանանի խորհրդարանը ընդունեց և դատապարտեց Ցեղասպանությունը: Հայոց ցեղասպանություն Հայոց ցեղասպանությունը, որն իրագործվել է Օսմանյան կայսրությունում 1915-1923թթ., XX դարի առաջին ցեղասպանությունն էր, որի նախաձեռնողները երիտթուրքերն էին: Ցեղասպանության ժամանակ ոչնչացվեց վեց հայկական վիլայեթների բնակչությունը` մոտ 1,5 մլն հայ: Եվս կես միլիոնը սփռվեց աշխարհով մեկ` սկիզբ դնելով հայկական Սփյուռքին: Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա Ամենաընթերցվողը բաժնում | Ըստ ԱԺԲ–ի՝ իրենց անդամներին բռնության են ենթարկել․ 96 բերման ենթարկված կա Նա ասել է, որ որ ոստիկանության բաժանմունքներում իրենց անդամները «ծեծի են ենթարկվել», կան տուժածներ Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր Հյուրերը շրջել են նաև Հայոց ցեղասպանության թանգարանում Թրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիս Թուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ |