Ռուս պատգամավորը Գյումրիի սպանության մասին. Նժարի վրա այդ ստահակն է ու հայ-ռուսական հարաբերությունները 2 ապրիլի 2015 - 17:40 AMT PanARMENIAN.Net - ՌԴ Պետդումայի պատգամավոր Բորիս Ռեզնիկը պատմել է օրերս պատգամավորական խմբի Գյումրի այցելության մասին՝ Ավետիսյանների ընտանիքի սպանության գործով, որի համար մեղադրվում է 102-րդ ռուսական ռազմակայանի զինծառայող Վալերի Պերմյակովը: Հունվարի 12-ին Գյումրիում հայտնաբերվեցին Ավետիսյանների ընտանիքի 6 անդամի դիերը: Ընտանիքի մյուս երեխան՝ 6-ամսական Սերյոժա Ավետիսյանը, ծանր մարմնական վնասվածքներով տեղափոխվել էր հիվանդանոց, որտեղ վիրահատվեց։ Չնայած բժիշկների ջանքերին, երեխային փրկել չհաջողվեց, փոքրիկը մահացավ հունվարի 19-ին: Հայ-թուրքական սահմանը հատելու փորձի ժամանակ հայտնաբերված կասկածյալ Վալերի Պերմյակովին մեղադրանք առաջադրվեց, նա ընդունել է իր կատարած հանցանքը: Նրան տեղափոխեցին ռուսական ռազմակայան, ինչը բողոքի մեծ ալիք բարձրացրեց: Ավետիսյանների ընտանիքի սպանության մեջ կասկածվող Վալերի Պերմյակովին մեղադրանք է առաջադրվել ՌԴ ՔՕ 105-րդ հոդվածի 2-րդ (սպանություն) և 338-րդ հոդվածի 2-րդ մասի (դասալքություն) հատկանիշներով, որպես խափանման միջոց ընտրված է կալանքը: Ըստ պատգամավորի, Գյումրիում տեղի ունեցած ողբերգությունը շատ է ազդել զինծառայողների վրա. «Նրանք շատ են մտահոգված. սկզբում եղավ ոչ այնքան խելամիտ սահմանափակում քաղաք դուրս գալու վերաբերյալ, թեև իրավիճակը շատ լարված էր»: «Էխո Մոսկվի» ռադիոկայանին տված հարցազրույցում Բորիս Ռեզնիկն ասել է, որ միջադեպի պատճառով ռազմակայանի որոշ ծառայողներ ազատվեցին պաշտոններից. «Ով անմիջական եղել է այդ Պերմյակովի հետ, այսպես թե այնպես, պատասխանատու է նրա մարտական ու բարոյական ոգու համար, ինչպես ուղղակի այնպես էլ անուղղակի ձևով՝ նրանք զրկվեցին պաշտոններից: Սակայն, ցավոք, ըստ իս, ինչու է այդպիսի մեծ լարվածություն առաջացավ Գիտեք, չկա տարրական տեղեկատվական լուսաբանում աղմկահարույց գործերի վերաբերյալ: Ահա պաշտոնանկ արեցին զորամասի հրամանատարին՝ դա ինչ-որ չափով հանդարտեցրեց հասարակական կարծիքը: Ոչ ոք այդ մասին չգիտի: Ինչո՞ւ չենք հայտնում»: Մարտի վերջում Գյումրիի ռուսական ռազմակայանի հրամանատարական կազմը փոխվեց, ինչը կապված էր տեղի ունեցած ողբերգության հետ: Այն մասին, որ ողբերգության հետևանքով փոփոխություններ կարող են լինել, հայկական ԶԼՄ-ները գրում էին դեռ փետրվարին: Ավելի ուշ այդ տեղեկությունները հաստատեց ՌԴ Պետդումայի ԱՊՀ, եվրասիական ինտեգրման և հայրենակիցների հետ կապերի կոմիտեի փոխնախագահ Օլեգ Լեբեդևը: Ռուս պատգամավորը հատուկ նշել է, որ հետաքննությունը անցկացվում է երկու երկրների Քննչական կոմիտեների սերտ համագործակցությամբ: «Ահա, օրինակ, հոգեբանները, հոգեբույժները, որոնց ներգրավել են կողմերը, շուրջօրյա հետևում են այդ տղային: Քանի որ բազում մութ հարցեր կան: Առաջին հայացքից կարծես սովորական տղա է, և հանկած այսպիսի դաժան, վայրագ արարք, պատկերացնում եք՝ սպանել 6 մարդու և սվինով խոցել 6-ամսական տղային: Դա ուղղակի վայրենություն է: Ուստի պետք է բացատրություն տալ թե դա ինչ էր, կար դրդապատճառ թե չկար: Այս բոլոր հարցերը պատասխաններ պետք է ստանան: Քննությունը շատ է ջանում, որ այդ պատասխանները ստացվեն»,-ասել է նա: «Նժարին ոչ ավել, ոչ պակաս մեր բազմամյա, բազմադարյա եղբայրական հարաբերություններն են և, անշուշտ, ամեն ինչ պետք է բաց լինի, հրապարակային՝ այս սա շատ կարևոր է»,-ասել է Ռեզնիկը: Անդրադառնալով այն ենթադրություններին, թե Պերմյակովի դատը, հավանաբար, փակ է լինելու, ռուս պատգամավորն ասել է. «Այսօր դա իրավաբանների շատ լուրջ քննարկումների առարկա է: Եթե լավ նայենք, նժարի վրա մի կողմից այդ ստահակն է, մյուս կողմից հայ-ռուսական հարաբերությունները, որոնք ամրապնդվել են հարյուրավոր տարիներ: Քաղաքականապես նպատակահարմար կլիներ հանձնել նրան հայկական կողմին: Բայց, ինձ թվում է, այնուամենայնիվ, պետք է մոտենալ իրավական տեսակետից. կարո՞ղ ենք հանձնել նրան հայկական կողմին, թե չենք կարող: Նա ռազմական հանցագործություն է կատարել…Հայաստանի տարածքում: Այդ ամենը գրանցված է համաձայնագրում: Եվ այդ համաձայնագրով մենք նրան հանձնել չենք կարող: Թեև, ըստ իս, դատավճիռները երկու դեպքում էլ նույնը կլինեն՝ ցմահ բանտարկություն, քանի որ մահապատժ այսօր կողմերից ոչ մեկը չունի: Դե իսկ ինչո՞ւ վրդովվեց Գյումրիի բնակչությունը, հայ հանրությունը՝ որովհետև սահմանապահները, ձերբակալելով նրան հայ-թուրքական սահմանին, փոխանցեցին նրան զորամաս, ոչ թե՝ իրավապահ մարմիններին: Եվ այն ժամանակ գնացին քարեր նետելու ռուսական հյուպատոսության վրա»: Ռեզնիկը չի բացառել, որ դատավարությունը կարող է բաց լինել, և նույնիսկ կարող է հեռարձակվել: Բայց դատելու է Պերմյակովին Ռոստովի զինդատարանը: Օրերս ՌԴ Պետդումայի ԱՊՀ, եվրասիական ինտեգրման և հայրենակիցների հետ կապերի կոմիտեի փոխնախագահ Օլեգ Լեբեդևը հայտնեց, որ Գյումրիում Ավետիսյանների ընտանիքի 7 անդամների սպանությունը խոստովանած ռուս զինվոր Վալերի Պերմյակովի դատը կկայանա Հայաստանի տարածքում: Այդ մասին պատգամավորը հայտարարեց Երևանում՝ Պետդումայի և ՀՀ ԱԺ կոմիտեների համատեղ նիստում: «Ռուսաստանն արեց հնարավոր ամեն ինչ, որպեսզի հետաքննությունն իրականացվի, և իրականացվում է, Հայաստանի տարածքում: Դատը ևս նախատեսվում է Հայաստանի տարածքում, դա Հայաստանի ժողովրդի խնդրանքն է»,-ասել է Պետդումայի պատգամավորը: Հղումներ թեմայով. Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |