Տիգրան Մարտիրոսյանը՝ ծանրամարտի Եվրոպայի եռակի չեմպիոն  14 ապրիլի 2015 - 21:57 AMTPanARMENIAN.Net - Թբիլիսիում շարունակվող ծանրամարտի 2015-ի Եվրոպայի առաջնությունում 77 կգ քաշային Տիգրան Մարտիրոսյանը ոսկե մեդալ է նվաճել՝ այդպիսով դառնալով Եվրոպայի եռակի չեմպիոն։ Այսօր` ապրիլի 14-ին, կայացել են տղամարդկանց 77 կգ քաշային կարգի մրցումները: Հայաստանը տվյալ քաշային կարգում ներկյացնում էին Տիգրան Մարտիրոսյանը և Անդրանիկ Կարապետյանը,գրում է Tert.am-y: Պոկում վարժությունում Անդր՝անիկ Կարապետյանը գլխավերևում պահեց 164 կիլոգրամը` նվաճելով փոքր ոսկին: Տիգրան Մարտիրոսյանը 160 կգ-ով փոքր արծաթե մեդալի արժանացավ: Հրումում Անդրանիկ Կարապետյանը 186 կգ բարձրացրեց, Տիգրանը 2-րդ մոտեցումով 191 կիլոգրամը հրեց, իսկ ռուս մարզիկը ձախողեց 3-րդ մոտեցումը, ինչի արդյունքում ոսկե մեդալ բերեց Տիգրան Մարտիրոսյանին: Վերջնարդյունքով Անդրանիկ Կարապետյանը մեծ բրոնզե մեդալի է արժանացել: Մարտիրոսյանը Հայաստանի բազմակի, աշխարհի երիտասարդական և մեծահասակների առաջնությունների չեմպիոն է, օլիմպիական խաղերի բրոնզե մեդալակիր։ Մարզիկը 2003-ին դարձել է Եվրոպայի երիտասարդական առաջնության փոխչեմպիոն, հաջորդ երկու տարիներին` չեմպիոն։ Նրան է պատկանում նաև աշխարհի երիիտասարդական առաջնության երկու ռեկորդ 69 կգ քաշային կարգում։ Մարտիրոսյանը 2007-ին Ստրասբուրգում երկամարտի 331 կգ արդյունքով դարձել է ծանրամարտի Եվրոպայի մեծահասակների փոխչեմպիոն։ Հաջորդ տարի Եվրոպայի առաջնությունում նվաճել է ոսկե մեդալ երկամարտի 346 կգ արդյունքով։ Մարտիրոսյանը բրոնզե մեդալ է նվաճել 2008-ի ամառային օլիմպիական խաղերում։ Քսան տարեկանում դարձել է անկախ Հայաստանի պատմության ընթացքում Օլիմպիական խաղերի ամենաերիտասարդ մեդալակիրը։ 2009-ին Տիգրան Մարտիրոյանը փոխել է իր քաշային կարգը (69-ից` 77 կգ)։ Նույն տարիծանրամարտի աշխարհի առաջնությանը մարզիկը երկամարտի 370 կգ արդյունքով գրավել է երկրորդ տեղը։ 2010-ին նա հաղթանակ է տարել Եվրոպայի առաջնությունում։ Այդ տարի Անթալիայում աշխարհի առաջնությանը Մարտիրոսյանը դարձել է ծանրամարտի աշխարհի չեմպիոն, Հայաստանի տարվա լավագույն մարզիկ ճանաչվել։ Հաջորդ տարի Փարիզում կայացած ծանրամարտի աշխարհի առաջնությանը ուսի վնասվածքի պատճառով նա չկարողացավ պահպանել չեմպիոնական տիտղոսը` գրավելով չորրորդ տեղը։ 2012-ին ամառային օլիմպիական խաղերում Հայաստանի հավաքականի կազմում նա ոսկու ամենամեծ հավակնորդն էր, բայց մեջքի վնասվածքի պատճառով խաղերից մի քանի օր առաջ հրաժարվեց մասնակցությունից։  Ուշագրավ Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա Հավանայում կայացել է Ծանրամարտի միջազգային ֆեդերացիայի նիստը Բարսեղյանը ամբողջ 5 կգ-ով առաջ է անցել երկրորդը ճանաչված Սաուդյան Արաբիայի պատվիրակից   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
