Ցեղասպանության հարցը Վրաստանի խորհրդարանում. Ադրբեջանցի պատգամավորների զգացմունքային արձագանքը16 ապրիլի 2015 - 15:57 AMT PanARMENIAN.Net - Հայոց ցեղասպանության փաստի հիշատակումը վրացական խորհրդարանում հերթական անգամ բուռն քննարկումների պատճառ է դաձել: Այս անգամ բանավեճը սկսվել է Ախալքալաքից ընտրված մեծամասնական պատգամավոր Սամվել Պետրոսյանի՝ երեկ հնչեցրած ելույթից հետո: «Վստահ եմ, որ եթե ժամանակին Հայոց ցեղասպանությունը ճանաչվեր, աշխարհի տարբեր կետերում հնարավոր կլիներ խուսափել նմանատիպ ողբերգություններից: Այս հանցագործությունները չպետք է կրկնվեն աշխարհի և ոչ մի ազգի հետ: Կոչ եմ անում աշխարհի բոլոր ժողովրդավարական պետություններին, որտեղ Ցեղասպանությունը դեռ չի ճանաչվել, դիմել այդ քայլին: Հետագայում նման հանցագործությունները կանխելու համար անհրաժեշտ է, որպեսզի Հայոց ցեղասպանությունը ճանաչվի որպես պատմական փաստ», - հայտարարել է հայազգի պատգամավորը: Ինչպես և կարելի էր ակնկալել, Վրաստանի խորհրդարանում ներկայացված ադրբեջանցի օրենսդիրները բավական կտրուկ ձևակերպումներով հակազդեցին ախալքալաքցի պատգամավորի հայտարարությանը, գրում է «Ազատություն» ռադիոկայանը: «Վրաստանի կողմից Ցեղասպանության ճանաչումը միանշանակորեն վատթարացնելու է հարաբերությունները մեր ռազմավարական դաշնակցի` Թուրքիայի հետ», - հայտարարել է իշխող «Վրացական երազանք» դաշինքի անդամ Մահիր Դարձիևը: Ընդդիմադիր Ազգային միացյալ շարժման անդամ, Մառնեուլիից ընտրված մեծամասնական պատգամավոր Ազեր Սուլեյմանովի ելույթն անհամեմատ ավելի զգացմունքային էր: «Ինչո՞ւ մենք չենք խոսում 1918 թվականի մարտին հայ դաշնակների և Կարմիր բանակի կողմից իրականացված ադրբեջանցիների ցեղասպանության մասին: Ինչո՞ւ ենք անտեսում 1992 թվականին Ադրբեջանում, Ղարաբաղում, Խոջալու քաղաքում տեղի ունեցած դեպքերը», - հայտարարել է Սուլեյմանովը: Գրեթե ամեն տարի ապրիլի 24-ի շեմին Հայոց ցեղասպանության թեման վրացական խորհրդարանում բուռն քննարկումների ու վեճերի պատճառ է դառնում: Հիշարժան են հատկապես 2012 թվականի դեպքերը, երբ վրացի պատգամավորներից մեկի` Ջոնդի Բագատուրիայի` Հայոց ցեղասպանությունը ճանաչելու կոչից հետո ծեծկռտուք սկսվեց նրա և Մառնեուլին ներկայացնող պատգամավոր Ազեր Սուլեյմանովի միջև: Այն ժամանակ ադրբեջանցի պատգամավորը իր վրաց գործընկերոջը նույնիսկ խորհուրդ էր տվել փոխել ազգանունը` Բագատուրիայից դառնալով Բագատուրյան: Այս արտահայտության համար, ի դեպ, Միխեիլ Սաակաշվիլիի ղեկավարած քաղաքական ուժը նույն օրն իսկ խիստ նկատողության էր արժանացրել իր ադրբեջանցի անդամին: Հայոց ցեղասպանություն Հայոց ցեղասպանությունը, որն իրագործվել է Օսմանյան կայսրությունում 1915-1923թթ., XX դարի առաջին ցեղասպանությունն էր, որի նախաձեռնողները երիտթուրքերն էին: Ցեղասպանության ժամանակ ոչնչացվեց վեց հայկական վիլայեթների բնակչությունը` մոտ 1,5 մլն հայ: Եվս կես միլիոնը սփռվեց աշխարհով մեկ` սկիզբ դնելով հայկական Սփյուռքին: Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա Ամենաընթերցվողը բաժնում | Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր Հյուրերը շրջել են նաև Հայոց ցեղասպանության թանգարանում Սերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին Մայր աթոռում Հայոց ցեղասպանության նահատակների ոգեկոչման արարողություն է եղել Հավատացյալների խոնարհումի համար դուրս էր բերվել նաև Հայոց Ցեղասպանության սրբոց նահատակաց մասունքարանը Նոյեմբերյանում բողոքի ակցիայի մասնակիցներից 5-ը ձերբակալվել է Նախաքննությունը շարունակվում է |