Կենդանաբանական այգում կգործի Հայաստանում առաջին ներառական խաղահրապարակը21 ապրիլի 2015 - 10:47 AMT PanARMENIAN.Net - Վայրի բնության և մշակութային արժեքների պահպանման հիմնադրամը Երևանի կենդանաբանական այգու հետ համատեղ ապրիլի 17-ին կազմակերպել է բարեգործական երեկո՝ ի աջակցություն Հայաստանում ներառական առաջին խաղահրապարակի կառուցման: Երևանի կենդանաբանական այգում կառուցվելիք խաղահրապարակն ազատ հասանելիությամբ կրթական, թերապևտիկ և խաղային ներառական հարթակ կդառնա Հայաստանում գրանցված շուրջ 8000 երեխայի համար: Բարեգործական երեկոյին մասնակցել են մասնավոր և հասարակական հատվածների, դիվանագիտական կորպուսի, միջազգային կազմակերպությունների ներկայացուցիչներ: Կենդանի, անձայն աճուրդների և ազատ հանգանակությունների արդյունքում հավաքվել է շուրջ տասը միլիոն դրամ: Երեկոյի ավարտին այդ գումարը կրկնապատկել է հիմնադրամի գլխավոր գործընկեր ՎիվաՍել-ՄՏՍ-ը: Բարեգործական երեկոյի ընթացքում աճուրդի են հանվել ճանաչված նկարիչներ Աշոտ Ավագյանի, Վահագն Համալբաշյանի, Լուսի Աբդալյանի, Գաբրիել Մանուկյանի, Արև Պետրոսյանի, Նարեկ Ավետիսյանի, Արթուր Սարգսյանի՝ նախագծին նվիրաբերված աշխատանքներն, ինչպես նաև արժեքավոր նմուշներ «Գոլդեն Գրեյփ ԱրմԱս» և «Աբրիկոն» գործարանների կողմից:
Անձայն աճուրդի են ներկայացվել հատուկ կարիքներով երեխաների ձեռքի աշխատանքները: Երաժշտական և թատերական ներառական համարներով հանդես են եկել Ունիսոն ՀԿ-ի «Փարոս» երգչախումբը, Փոքր թատրոնը և Մանկական զարգացման հիմնադրամի` «Մենք ենք» ներառական թատերախումբը: Խաղահրապարակի կառուցման աշխատանքները նախատեսվում է ավարտին հասցնել 2015թ.-ի հունիսին՝ խաղային և կրթական հավասար հնարավորություններ ստեղծելով բոլոր երեխաների համար:
2011թ.-ից Վայրի բնության և մշակութային արժեքների պահպանման հիմնադրամը գլխավոր գործընկեր ՎիվաՍել-ՄՏՍ-ի հետ համատեղ իրականացնում է երկարաժամկետ` «Հիմնադրամը Երևանի կենդանաբանական այգու համար» նախագիծը, որի նպատակն է կենդանաբանական այգին դարձնել բնապահպանական և կրթական բազմագործառույթ տարածաշրջանային կենտրոն: Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Ամենաընթերցվողը բաժնում | Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը ՀՀ ԱԳՆ․ Ադրբեջանական լրատվամիջոցներում հրապարակված թուղթը կեղծ է՝ Բրյուսելի հանդիպմանը գաղտնի օրակարգ չի եղել Նա հավելել է, որ բրյուսելյան գործընթացն ամբողջովին թափանցիկ է եղել և շարունակելու է մնալ այդպիսին Լիտվայի վարչապետ․ Պատրաստ ենք աջակցել ՀՀ-ին ԵՄ-ի հետ հարաբերությունների սերտացմանը Կողմերը քննարկել են անվտանգային և տնտեսական իրավիճակն Արևելյան Եվրոպայում և Հարավային Կովկասում |