Tesla Motors-ը համեմատաբար էժան էլեկտրոմոբիլ կներկայացնի 8 մայիսի 2015 - 17:19 AMT PanARMENIAN.Net - Գերմանական BMW կոնցերնը վերջերս հայտարարեց, որ մտադիր է արտադրել 3-րդ սերնդի էլեկտրոմոբիլ, որն ամերիկյան Tesla-ներից մատչելի կլինի: Միլիարդատեր Իլոն Մասկի ընկերությունն անպատասխան չթողեց գերմանացիների առաջարկը և մտադիր է 2016-ի մարտին ներկայացնել նոր Tesla Model 3 էլեկտրոմոբիլը: Ներդրողների հետ հանդիպմանը Մասկը հայտարարել է, որ անոնսի ժամկետը դեռ նախնական է և կարող է փոխվել: Դատելով շրջանառվող լուրերից` էլեկտրոմոբիլի արժեքը կլինի 35 հազար դոլար, իսկ մի լիցքավորումը բավարար կլինի 300 կմ անցնելու համար: Դա թույլ կտա ընկերություններին «առավել մատչելի մեքենա» առաջարկել գնորդին, այն դեպքում, երբ թանկարժեք ու ճոխ Model S-ն ու Model X-ը կմնան էլեկտրոմոբիլների պրեմիում դասում: Ըստ նույն լուրերի, Model 3-ը 20 տոկոսով էժան կլինի Model S-ից: Առավել կոմպակտ և համեմատաբար ավելի էժան մոդելի առկայությունը թույլ կտա Tesla Motors-ին գնորդների ավելի լայն շերտերի գրավել: Մասկը պարզաբանել է, որ թեև էլեկտրոմոբիլը ներկայացվելու է 2016-ի մարտին, արտադրությունը կսկսվի միայն 2017-ի վերջում: Ըստ նրա, դա առավել իրատեսական ժամկետն է: Ինչ վերաբերում է ճոխ Model X-ին, որն արդեն որոշ ժամանակ անց կարտադրվի, ապա ընկերությունն արդեն ընթացիկ տարվա հուլիսին կսկսի առցանց պատվերների ընդունումը: «Դա իրոք գերազանց մեքենա է, ճանապարհին այն իրեն որպես սպորտային մեքենա է դրսևորում, սակայն միևնույն ժամանակ նաև ամենագնաց է: Նրա արտադրողականությունը սահմաններից վեր է, բարդ է համեմատության եզրեր ունեցող մեկ այլ ավտոմեքենա գտնել»,-հայտարարել է ամերիկացի միլիարդատերը: Tesla Motors-ը ամերիկյան ավտոմոբիլային ընկերություն է, որը զբաղվում է էլեկտրոմոբիլների արտադրությամբ: Կոչված է համաշխարհային ճանաչում ունեցող հայտնի էլեկտրատեխնիկ ու ֆիզիկոս Նիկոլա Տեսլայի պատվին: Ընկերության բոլոր պատենտները բաց հասանելիություն ունեն, այդ թվում տնային մարտկոցների մշակման պատենտը: Իլոն Մասկը ամերիկացի ինժեներ է, ձեռնարկատեր, գյուտարար և ներդրող, որը հարավաֆրիկյան ծագում ունի: Նա միլիարդատեր է, հիմնել է SpaceX, Tesla Motors և PayPal ընկերությունները, զգալի հաջողությունների է հասել տեղեկատվական տեխնոլոգիաների, հրթիռաշինության և մեքենաշինության ոլորտներում: Հղումներ թեմայով. Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի Ամենաընթերցվողը բաժնում | Ծիծեռնակաբերդում Աննա Հակոբյանին առնչվող միջադեպով 1 անձի մեղադրանք է առաջադրվել Մյուսներն արգելանքից ազատ են արձակվել, քրեական հետապնդում չի հարուցվել Նարեկ Մանասյանը՝ բռնցքամարտի ԵԱ արծաթե մեդալակիր Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը Քոչարյանից պահանջում են բռնագանձել 25 անշարժ գույք, 5 տրանսպորտային միջոց, արժեթղթեր Պահանջն առնչվում է նրա հետ փոխկապակցված 7 անձի Միրզոյանը Կատարի իր պաշտոնակցին է ներկայացրել Ադրբեջանի հետ հարաբերությունների կարգավորման զարգացումները Հատուկ ուշադրություն է դարձվել տարածաշրջանային փոխկապակցվածության հարցերին |