Մանրամասներ սմարթֆոնի նոր` iPhone 6s մոդելի մասին

Մանրամասներ սմարթֆոնի նոր` iPhone 6s մոդելի մասին

PanARMENIAN.Net - Ամերիկյան Apple ընկերությունը պատրաստվում է թողարկել iPhone 6 սմարթֆոնի նոր` iPhone 6s մոդելը: Գաջեթի մասին քիչ բան է հայտնի` ըստ ինսայդերների հաղորդագրությունների, այն կունենա 2 ԳԲ օպերատիվ հիշողություն և ֆրոնտալ տեսախցիկ մատրիցայի 12 մեգապիկսել թողունակությամբ: Սմարթֆոնի կորպուսը նոր դիզայն կունենա և կպատրաստվի այլ նյութերից: Փոփոխություն կկրի նաև սմարթֆոնի ներքին կառուցվածքը:

Սմարթֆոնը կունենա նաև կորպուսի այլ երանգ` «վարդագույն ոսկի» անվանումով` համապատասխանելու համար Apple Watch Edition «խելացի» ժամացույցի տարբերակներից մեկին: Ինսայդերները չեն հայտնում, թե արդյոք կորպուսը պատրաստված կլինի վարդագույն ոսկուց, թե այլ նյութերից, քանի որ ոսկե Watch-ի արժեքը սկսվում է 1000 դոլարից:

Կորպուսի դիզայնի փոփոխությունը և նոր, ավելի ամուր նյութերի օգտագործումը թույլ չի տա, որ iPhone-ը դեֆորմացվի ուժեղ ճկման դեպքում: Սմարթֆոնը կներկայացվի iPhone 6s և iPhone 6s Plus տարբերակներով 4,7 և 5,5 դյույմ անկյունագծով, կունենա նոր դինամիկներ: Էկրանը կունենա սեղմման ուժի ճանաչման տեխնոլոգիա և բարելավված Touch ID:

iOS 8-ով աշխատող iPhone 6s և iPhone 6s Plus-ը ներկայացվեցին 2014-ի սեպտեմբերի 9-ին: Էկրանի անկյունագիծը զգալիորեն մեծ է նախորդ մոդելների համեմատ. iPhone 6-ն ուներ մինչև 4,7 դյույմ (թողունակությունը` 1334×750), իսկ iPhone 6 Plus-ը` մինչև 5,5 դյույմ (1920×1080, RetinaHD): Հեռախոսների հաստությունը մոտ 7 մմ է, առանց հաշվի առնելու տեսախցիկի հաստությունը: Սմարթֆոնները iPhone-նների 8-րդ սերունդն են:

Apple Inc. ամերիկյան կորպորացիայի գլխավոր գրասենյակը գտնվում է Կալիֆորնիայի նահանգի Կուպերտինո քաղաքում, Apple-ը նախագծում և մշակում է սպառողական էլեկտրոնիկա, համակարգչային ծրագրային ապահովում։ Էփլի լավագույն հայտնի արտադրանքներ են Mac գիծի համակարգիչները, iPod նվագարկչի, iPhone սմարթֆոնը, iPad պլանշետները:

Apple-ն աշխարհի երկրորդ խոշորագույն տեղեկատվական տեխնոլոգիական ընկերությունն է, և աշխարհի երկրորդ խոշորագույն բջջային հեռախոս արտադրողը Սամսունգից հետո: 2014-ին ապրաքանիշը ճանաչվել է աշխարհի ամենաթանկ բրենդը ($153.3 միլիարդ արժողությամբ):

Ընթերցեք նաև. Հաքերը կոտրել է Apple-ի «խելացի» ժամացույցը` ընդլայնելով դրա գործառույթները

 Ուշագրավ
Krisp-ը 1 տարվա ընթացքում 0-ից 600 կորպորատիվ բաժանորդ է ձեռք բերել
«Չհամաձայնվելու դեպքում հստակ հայտնել են, որ ինձ մեղադրելու են առանձնապես ծանր հանցագործության մեջ և կալանավորելու»,- ասվում է հայտարարության մեջ
Facebook-ում նոր էմոցիան գրկախառնվող սմայլիկի տեսք կունենա
Նրանք հայտնել են, որ Ucom-ի 843 աշխատակից ազատման դիմում են գրել