Եվգենի Կիսինը Նյու Յորքում Ցեղասպանության 100-րդ տարելիցին նվիրված համերգ կտա14 մայիսի 2015 - 14:07 AMT PanARMENIAN.Net - Աշխարհահռչակ դաշնակահար Եվգենի Կիսինը «Երևանյան հեռանկարներ» միջազգային երաժշտական փառատոնի շրջանակում մայիսի 26-ին Հայոց ցեղասպանության 100-րդ տարելիցին նվիրված համերգ կտա Նյու Յորքի հեղինակավոր «Քարնեգի հոլ» համերգասրահում: Տաղանդավոր դաշնակահարի կարծիքով՝ երաժշտությունը, որը հեռու է աշխարհաքաղաքական մանյովրներից, կարող է Արևմուտքի հասարակությանը պատմել 20-րդ դարի առաջին ցեղասպանության մասին ամբողջ ճշմարտությունն ու օգնել, որ աշխարհը ձգտի ավելի ներդաշնակ դառնալուն, հաղորդում է Asbarez.com-ը: «100 տարի առաջ Թուրքիայում միայն հայ լինելու համար սպանվեց 1,5 մլն մարդ։ Տարիներ անց այս ոճրագործության չճանաչումն ուղի հարթեց Ադոլֆ Հիտլերի համար, որը մահապատժի ենթարկեց 6 մլն հրեայի:
Ցեղասպանությունները չպետք է մոռացվեն: Ես մասնակցում եմ Ցեղասպանության 100-ամյակին նվիրված համերգին ոչ միայն 1,5 մլն անմեղ զոհերի հիշատակը ոգեկոչելու, այլև՝ աշխարհին ևս մեկ անգամ հիշեցնելու հայերի հետ պատահած սոսկալի դժբախտության մասին»,-ասել է Կիսինը: Համերգային ծրագրի շրջանակում դաշնակահարը կկատարի Ֆրեդերիկ Շոպենի ստեղծագործությունները, ինչպես նաև՝ Կոմիտասի «Կռունկը»: Երաժշտական գրեթե բոլոր մրցանակներին և պարգևներին արժանացած ռուս դաշնակահար Եվգենի Կիսինը 2 տարի առաջ պատմել էր` Թուրքիայից հրավերներ չի ընդունում, քանի որ այդ երկիրը չի ճանաչում Հայոց ցեղասպանությունը: 100-րդ տարելիցի կապակցությամբ նա ապրիլի 2-ին Երևանում մենահամերգ տվեց ու իր հոնորարի կեսը փոխանցեց Բյուրականում «Երևանյան հեռանկարներ» միջազգային երաժշտական փառատոնի նորաբաց ակադեմիային՝ ռոյալ գնելու համար: «Հայաստանում ինձ հարցրին, թե պատրաստ եմ արդյոք միջազգային հանրությանը կոչ անել ճանաչել Հայոց ցեղասպանությունը: Իմ պատասխանն է՝ այո, իհարկե պատրաստ եմ: Կփորձեմ ավելի մանրամասն տեղեկանալ, թե կոնկրետ ինչ քայլեր պետք է ձեռնարկեմ այդ ուղղությամբ»,- ասել է նա: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը ՀՀ և Մալթայի ԱԳ նախարարները քննարկել են ԵԱՀԿ գործունեությանն ու Ադրբեջանի հետ կարգավորման զարգացումները Հայաստանի և Մալթայի ԱԳ նախարարներն անդրադարձել են տարածաշրջանային հարցերի Eurowings–ը Բեռլին-Երևան ուղղությամբ թռիչքներ է սկսել Չվերթերը կիրականացվեն շաբաթական մեկ չվերթ Ադրբեջանում ԱՄՆ դեսպանը՝ Շուշի չայցելելու մասին․ Դեռևս պատրաստ չեմ Նա մտահոգիչ է անվել մամուլի և քաղհասարակության ճնշումները՝ հավելելով, որ դա «տասնամյակներով հետ կշպրտի Ադրբեջանը» |