Գրեթե մեկ ամիս է անցել ապրիլի 24-ից, երբ լրացավ 1915 թվականի հայկական ողբերգության 100-րդ տարելիցը, գրում է Hurriyet Daily-ի հոդվածագիր Բարչին Յինանչը՝ հավելելով, որ Թուրքիայում ոչ ոք այլևս այդ մասին չի խոսում:
«Բնականաբար, դա այլևս աշխարհի օրակարգում չէ: Բայց համոզված եմ, որ թե՛ Երևանում, թե՛ Անկարայում դա որպես կարևոր շրջադարձ է ընկալվում»,- գրում է նա, հայտնում է Tert.am-ը:
Հոդվածում մասնավորապես ասվում է. «Մի բան հաստատ է. Թուրքիան բռնվել է այն պահին, երբ նա փայլուն միջազգային կերպար չունի: Չնայած դրան՝ Ապրիլի 24-ն անցավ նվազագույն վնասով: Թուրքիան, կարծես, ամենից առավել զայրացած է երկու միջազգային դերակատարների վրա: Նրանցից մեկը Վատիկանն է, մյուսը՝ Գերմանիան:
Հռոմի պապը հայկական ողբերգությունը համարել է «20-րդ դարի առաջին ցեղասպանություն», ինչը շոկ էր Թուրքիայի համար, քանի որ Սուրբ Աթոռում դիվանագիտական ներկայացուցիչը մինչև վերջին պահը վստահ էր, որ Պապը չի օգտագործի «ցեղասպանություն» բառը:
Անկարան վստահ է, որ Ֆրանցիսկոս պապի հայտարարությունը բազմապատկման ազդեցություն կունենա աշխարհում: Պապի հայտարարությանը հետևեցին Լյուքսեմբուրգն ու Ավստրիան, որոնք Օսմանյան կայսրությունում Առաջին համաշխարհային պատերազմի տարիներին հայերի զանգվածային սպանությունները որակեցին ցեղասպանություն:
Մյուս կողմում Գերմանիան է