ԵԱՀԿ գործող նախագահի անձնական ներկայացուցիչ Անջեյ Կասպրշիկը Բաքու կժամանի հոկտեմբերի 3ին: Եվրոպայում Հայաստանի եւ Ադրբեջանի ԱԳՆ ղեկավարների հետ ԵԱՀԿ Մինսկի խմբի համանախագահների բանակցություններին մասնակցելուց հետո, Ա.Կասպրշիկը վերադարձել է Վիեննա, որտեղ շարունակում է բանակցել Ղարաբաղում եւ մերձակա տարածքներում հրդեհների հարցի շուրջ: Դեսպանը նշել է, որ հանդիպումներ է անցկացնում ԵԱՀԿ համապատասխան կառույցներում, որից հետո կժամանի Ադրբեջան: Այնուհետեւ սկսվում է հակամարտության կողմերի հետ բանակցային փուլը, որից հետո կորոշվի հրդեհների հարցով փորձագիտական խմբի ժամանման ժամկետը եւ կազմը, հաղորդում է «Թրենդը»: