 Լոս Անջելեսում ամերիկահայն ավարտել է Ցեղասպանության 100-րդ տարելիցին նվիրված իր 55-օրյա ծոմը 29 մայիսի 2015 - 17:13 AMT PanARMENIAN.Net - Մայիսի 28-ին Ամերիկայում բնակվող հայազգի Աղասի Վարդանյանը դուրս է եկել 55-օրյա ծոմապահությունից, որի նպատակն էր աշխարհի ուշադրությունը հրավիրել Հայոց ցեղասպանության 100-րդ տարելիցին: Վարդանյանի ընկերներն օգնում էին նրան դուրս գալ Բըրբենք քաղաքի հայկական եկեղեցուն կից ապակե փակ շինությունից և նստել սայլակը: Վարդանյանը պատմել է ներկաներին, որ հայերը, իմանալով իր մասին, աջակցում էին նրան ամբողջ աշխարհից։ Նրա խոսքով՝ հատկանշական է, որ ծոմն ավարտվել է հենց մայիսի 28-ին՝ Հայաստանի Առաջին Հանրապետության օրը։ Ծոմապահությունից առաջ տղամարդն ասել է, որ չի սնվի հանուն նրանց, ովքեր կտտանքների են ենթարկվել, բռնաբարվել են, անարգվել, մահվան երթերի ուղարկվել և սպանվել: «Ես չեմ սնվի, որպեսզի մարդկանց ուշադրությունը հրավիրեմ ժամանակակից Թուրքիայի կողմից դեռևս չճանաչված Հայոց ցեղասպանության հարցին», - ասել է Վարդանյանը, ապա ստացել վանահոր օրհնությունն ու մտել ապակե շինություն: Ծոմապահությունից հետո տղամարդու քաշը մոտ 76 կգ է՝ 25 կգ-ով պակաս 55-օրյա ծոմը սկսելուց առաջ։ Մոտ 2 ամիս տղամարդը միայն ջուր է օգտագործել: Ապակե շինությունից դուրս գալուց հետո Վարդանյանն ասել է, որ իրեն լավ և բավարարված է զգում, գրել է Glendale News Press-ը: Ծոմ պահելու օրերի քանակը պայմանավորված էր նրա տարիքով: Ամերիկահային նախկինում ևս հաջողվել էր 50 օր նմանատիպ ծոմ պահել, որից հետո որոշել էր գերազանցել սեփական ռեկորդը: 2015 թվականի ապրիլի 3-ին ամերիկահայ Աղասի Վարդանյանը սկսել է 55 օր տևողությամբ ծոմը Բըրբենք քաղաքի հայկական եկեղեցուն կից, 3 մ բարձրությամբ ու 3 մ լայնությամբ ապակե փակ շինությունում: Վարդանյանն իր հետ վերցրել էր խմելու ջուր, մաքուր հագուստ, աթոռ ու հեռուստացույց: Շինությունն ապակուց էր, ինչը թույլ էր տալիս մարդկանց միշտ հետևել ծոմ պահող տղամարդուն:   Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Սյուժե Վերջին լուրեր Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է  Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համարՓաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունըԱբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացինԱբրահամյանն ու Օհանյանը սահմանազատմանը վերաբերող հարցեր են քննարկել ԵՄ դեսպանի հետ Բաքվի բանտերում գտնվող Արցախի նախկին ռազմաքաղաքական ղեկավարների խնդիրը |
