Թուրքիայի նորընտիր խորհրդարանում հայ պատգամավորներ կլինեն 8 հունիսի 2015 - 13:09 AMT PanARMENIAN.Net - Թուրքիայում հունիսի 7-ին կայացած խորհրդարանական ընտրությունների արդյունքում Թուրքիայի ազգային մեծ ժողովը 4 կուսակցությունից բաղկացած նոր կառույց է դարձել, գրում է Radikal-ը: «Արդարություն և զարգացում», Ժողովրդահանրապետական, «Ազգայնական շարժում» և Ժողովրդա-դեմոկրատական («Ազգերի ժողովրդավարություն») կուսակցություններից կազմված նոր խորհրդարանում լինելու են նաև ազգային փոքրամասնությունների ներկայացուցիչներ, այդ թվում՝ հայեր, հայտնում է Tert.am-ը: Ըստ քվեաթերթիկների նախնական հաշվարկի, թուրքական Արդարության և զարգացման կուսակցությունը (ԱԶԿ) մեծամասնություն չի ստացել խորհրդարանում` հավաքելով ձայների 40,8 տոկոսը: Խորհրդարանում ներկայացված 4 կուսակցություններից 3-ում հայ թեկնածուներ կային: ԱԶԿ-ից Մարգար Եսայանը, Ժողովրդահանրապետական կուսակցությունից Սելին Օզուզուն Դողանն ու քրդամետ «Ազգերի ժողովրդավարությունից» Կարո Պայլանն ընտրվել են և իրենց ներդրումը կունենան Թուրքիայում ժողովրդավարության կայացման գործում: Վերջին 12 տարիներին իշխող դիրքը պահպանող Արդարության և զարգացման կուսակցությունը խորհրդարանում ստացել է 256 տեղ 550-ից: Կառավարություն ձևավորելու համար նա ստիպված կլինի կոալիցիա կազմել ընդդիմադիր կուսակցություններից մեկի հետ: 10-տոկոսանոց արգելքը հաղթահարել է նրանցից 3-ը` Ժողովրդա-հանրապետական կուսակցությունը (25,1 տոկոս), Ազգայնական շարժման կուսակցությունը (16,4 տոկոս) և քրդամետ Ժողովրա-դեմոկրատական կուսակցությունը (12,8 տոկոս): Իշխող կուսակցությունը կորցրել է ձայների մոտ 9 տոկոսը նախորդ ընտրությունների համեմատ: Թուրքիայի ԿԸՀ նախագահը հայտնել է, որ ընտրությունների պաշտոնական արդյունքները հայտնի կդառնան 10-12 օրից: Քրդական փոքրամասնությունը, որն, ըստ փորձագետների կազմում է Թուրքիայի բնակչության 20 տոկոսը, առաջին անգամ ներկայացված կլինի երկրի քաղաքական ասպարեզում: Ավելի վաղ հայտնի դարձավ, որ Թուրքիայի Ժողովրդա-դեմոկրատական կուսակցությունը (ԺԴԿ) խորհրդարանական ընտրություններում հաջողության դեպքում կպայքարի Հայաստանի հետ հարաբերությունների շուտափույթ կարգավորման և Թուրքիայի կողմից Հայոց ցեղասպանության ճանաչման համար: Այս մասին հայտարարեց կուսակցության նախագահի միջազգային գործերի գծով տեղակալ Նազմի Գյուրը: Այս ընտրություններում գլխավոր գերխնդիրը նախագահ Ռեջեփ Թայիփ Էրդողանինն էր. «նրա» կուսակցութունը՝ «Արդարություն և զարգացում»-ը ծրագրում էր ստանալ ձայների մեծամասնությունը, հետևաբար նոր Սահմանադրություն մշակելու հնարավորություն: Նոր Սահմանադրությունը փոխելու է երկրի կառավարման համակարգը՝ ընդլայնելով նախագահի լիազորությունները: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ՀՀ-ն Կիպրոսում դեսպանություն կբացի Նշվել է, որ դա կնպաստի Հայաստան–Կիպրոս հարաբերությունների հետագա զարգացմանը Կիրանցի բնակիչները դժգոհ են սահմանազատման արդյունքներից. Գյուղապետն ասել է՝ մինչև վերջ նրանց կողքին է Կառավարությունից ասել են, որ բնակիչներից մի քանիսի հետ կհանդիպեն Իջևանում ԱԺ նախկին պատգամավոր Ախոյանը կալանավորվել է ուրիշի գույքի առանձնապես խոշոր չափի հափշտակության համար Նախաքննությունը շարունակվում է Կառավարության շենքի մոտ ցույց է․ 3 բերման ենթարկված կա Նրանք բերման են ենթարկվել ոստիկանի օրինական պահանջը չկատարելու համար |