ԿԲ. Մայիսին գնաճը եղել է կանխատեսումների շրջանակում 9 հունիսի 2015 - 12:56 AMT PanARMENIAN.Net - Հայաստանի Կենտրոնական բանկը մեկնաբանել է մայիս ամսվա գնաճի ցուցանիշը: Ըստ դրա,ԱՎԾ պաշտոնական վիճակագրության համաձայն, ապրիլի համեմատ մայիսին 0.5% գնանկում է արձանագրվել, որի պարագայում 12-ամսյա գնաճը, ինչպես և նախանշվել էր ԿԲ 2015-ի երկրորդ եռամսյակի ԴՎՔ ծրագրում, գտնվել է նպատակային ցուցանիշի տատանումների թույլատրելի միջակայքի վերին հատվածում՝ ամսվա վերջին կազմելով 5.1%: Ըստ Հայաստանի ազգային վիճակագրական ծառայության` երկրում ոչ պարենային ապրանքների ընդհանուր գները մայիսին ,ապրիլի համեմատ, աճել են 0.1%-ով։ Սպառողական գները մայիսին 2014-ի ցուցանիշի համեմատ նվազել են 0,5%, իսկ նախորդ տարվա նույն ամսվա համեմատ` աճել 5,1%: Ըստ պետբյուջեի, գնաճը ՀՀ-ում 2015-ի համար գրանցված է 4% (±1,5%) մակարդակում, իսկ ՀՆԱ աճը` 4,1%: ԿԲ հաղորդագրության համաձայն, արտաքին հատվածում համաշխարհային տնտեսության դանդաղ աճի և առաջարկի ավելացման գործոնների ներքո շարունակվել են գնանկումային միտումները, որոնք արտացոլվել են մի շարք ներմուծված պարենային ապրանքների գների (շաքարավազ, կենդանական և բուսական յուղեր) նվազող վարքագծում: Ներքին տնտեսությունում շարունակվել են գյուղատնտեսության ճյուղի դրական զարգացումները՝ հանգեցնելով գյուղատնտեսական (հիմնականում՝ բանջարեղեն և կարտոֆիլ ապրանքախմբի) ապրանքների գների նվազմանը: Արդյունքում, պարենային ապրանքների գներն ամսվա ընթացքում նվազել են 1.2%-ով: ԱՎԾ-ի տվյալներով, պարենային ապրանքների գնանկումը պայմանավորված էր հիմնականում բանջարեղենի և կարտոֆիլի, հավկիթի, շաքարի և կաթնամթերքի էժանացմամբ` 8,6-1,2%:Մայիսին բանջարեղենի և կարտոֆիլի գներն ապրիլի համեմատ նվազել են 8,6%, իսկ նախորդ տարվա մայիսի համեմատ` 10%: Միևնույն ժամանակ, ոչ պարենային ապրանքների գները և ծառայությունների սակագներն էականորեն չեն փոխվել՝ արտացոլելով տարեվերջին փոխարժեքի արժեզրկման ազդեցության մարումը: Արդյունքում, փաստացի գնաճը վկայում է, որ այն գտնվում է ՀՀ ԿԲ կանխատեսումների շրջանակում, և այն 2015-ի ընթացքում կպահպանվի նպատակային ցուցանիշի 4%+/-1.5 տոկոսային կետ տատանումների թույլատրելի միջակայքի վերին հատվածում՝ աստիճանաբար կայունանալով նպատակային ցուցանիշի շուրջ: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | ՄԻՊ աշխատակազմը մայիսի 9-ին արտակարգ ռեժիմով է աշխատելու Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումը Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Բագրատ սրբազան․ ԽՍՀՄ ժամանակ էլ ճնշումներ եղան՝ եկեղեցուն ոչինչ չեղավ, բայց Սովետը չկա ու չի էլ լինելու Նա ասել է, որ Ամենայն Հայոց կաթողիկոսն օրհնել է շարժումը ոչ թե՝ առաջնորդել |