Լոնդոնում Լարի Գագոսյանին պատկանող երրորդ Gagosian Gallery-ն կբացվի

9 հունիսի 2015 - 15:13 AMT

PanARMENIAN.Net - Լոնդոնում հոկտեմբերին 8-ին կբացվի Gagosian Gallery միջազգային պատկերասրահների ցանցի 16-րդ պատկերասրահը, որը կդառնա 3-րդը Միացյալ Թագավորությունում: Պատկերասրահների ցանցի սեփականատերն է համաշխարհային ճանաչում ունեցող կոլեկցիոներ, արտ-դիլլեր հայազգի Լարի Գագոսյանը:

Լոնդոնում պատկերասրահը կբացվի նկարիչ աբստրակցիոնիստ Սայ Թվոմբլիի մեծ ցուցադրությամբ։ Այցելուները կտեսնեն հեղինակի 1950-60-ականներին արված աշխատանքները, գրում է Tert.am-ը՝ Buro247-ին հղումով:

Պատկերասրահի նոր մասնաճյուղը կզբաղեցնի 18.000 քմ Լոնդոնի կենտրոնում՝ Grosvenor Hill-ում։

Գագոսյանն իր կարիերան սկսել է 1970-ականներին Կալիֆոռնիայի համալսարանի կամպուսում` վաճառելով էժան ցուցապաստառներ, որոնք գնում էր 2-3 դոլարով, դնում շրջանակի մեջ ու վաճառում 15 դոլարով:

Նա իր առաջին պատկերասրահը բացել է 1979-ին Լոս Անջելեսում: Վեց տարի անց` Նյու Յորքում:2010-ին արվեստի գիտակը ճանաչվել է արվեստի աշխարհում ամենաազդեցիկ մարդը` գլխավորելով ArtReview ամսագրի կազմած 2010 թվականի համաշխարհային արվեստում ամենաազդեցիկ մարդկանց վարկանշային ցուցակի 100 անուն:

Հղումներ թեմայով.

Լոնդոնում կբացվի հայազգի Լարի Գագոսյանին պատկանող երրորդ Gagosian Gallery-ն. Tert.am