Twitter-ի ղեկավարը հրաժարական է տվել

12 հունիսի 2015 - 14:24 AMT

PanARMENIAN.Net - Twitter սոցցանի գլխավոր տնօրեն Դիկ Կոստոլոն հրաժարական է տվել: Նա կհեռանա պաշտոնից հուլիսի 1-ին, սակայն մնում է ընկերության տնօրենների խորհրդում: Մինչ հատուկ հանձնաժողովը կզբաղվի ինտերնետ ռեսուրսի նոր ղեկավարի որոնումներով, Twitter-ը ժամանակավորապես կգլխավորի նրա համահիմնադիրներից մեկը` Ջեկ Դորսին:

«Ես չափազանց հպարտ եմ Twitter-ի թիմով և այն ամենով, ինչ այս թիմը իրագործել է ընկերությունում իմ վեց տարվա ընթացքում: Մենք գերազանց առաջնորդներ ունենք և թիրախների և գերակայությունների հստակ ռազմավարություն: Ջեկ Դորսիի թեկնածությունը շատ հարմար է Twitter-ը գլխավորելու համար անցումային շրջանում»,-ասել է Կոստոլոն:

Twitter-ը սոցցանց է կարճ հաղորդագրությունների (մինչև 140 նիշ) հրապարակային փոխանակման համար վեբ-ինտերֆեյսի, SMS-ների, հաղորդագրությունների կայծակնային փոխանակման միջոցով ցանկացած տարիքի օգտատերերի համար: Բլոգի ձևաչափով կարճ հաղորդագրությունների հրապարակումը ստացել է «միկրոբլոգգինգ» անվանումը: Ծառայությունն անվճար է: Համակարգի սեփականատերն է Twitter Inc. ընկերությունը, որի գլխավոր գրասենյակը գտնվում է Սան Ֆրանցիսկոյում: Սերվերներ և գրասենյակներ կան նաև Սան Անտոնիոյում և Բոստոնում: 2012 թ. տվյալներով աշխատակիցների թիվը մոտ 900 է:

Հղումներ թեմայով.

The Washington Times: Dick Costolo will step down as Twitter CEO on July 1