Նեպալում երկրաշարժի հետո Էվերեստը տեղաշարժվել է 3 սմ-ով

16 հունիսի 2015 - 17:00 AMT

PanARMENIAN.Net - Նեպալում ավերիչ երկրաշարժի հետևանքով Երկիր մոլորակի ամենաբարձր գագաթը` Էվերեստը 3 սմ տեղաշարժվել է դեպի հարավ-արևմուտք: Այդ մասին հայտնում է Չինաստանի Գեոդեզիայի, քարտեզագրության և հողաշինության ազգային վարչակազմը:

Ապրիլի 25-ին Նեպալի մայրաքաղաք Կատմանդուում և մոտակա խիտ բնակեցված արվարձաններում տեղի ունեցավ Ռիխտերի սանդղակով 7,9 մագնիտուդ ուժգնությամբ երկրաշարժ: Հազարավոր մարդիկ զոհվեցին ու վիրավորվեցին, ավերածություններ կան քաղաքի կենտրոնում, այդ թվում քանդվել է Բհիմսենի աշտարակը: Երկրաշարժի էպիկնետրոնը Կատմանդուից 70 կմ հերավարության վրա` դեպի հյուսիս-արևմուտք է: Ցնցումները զգացվել են նաև Հնդկաստանում: Հատկապես բարդ է իրավիճակը Նյու Դելիում, ինչպես նաև երկրի հյուսիսում` Լաքհնաու քաղաքում և արևելքում` Պատնայում:

Նեպալում ավերիչ երկրաշարժի զոհերի թիվը գերազանցեց 8.000-ը:

Էվերեստը (Ջոմոլունգմա) ծովի մակարդակից (բայց ոչ երկրագնդի կենտրոնից) հաշված բարձրությամբ աշխարհի ամենաբարձր լեռն է՝ 8848 մ։ Հանդիսանում է Հիմալայան Լեռնաշղթայի մասը Բարձր Ասիայում, տեղակայված է Նեպալի և Տիբեթի (ՉԺՀ) միջև։

2006 թվականի դրությամբ գրանցված է 3,050 լեռնաբարձրացում 2,062 անձանց կողմից և 203 մահ՝ լեռան վրա։ Պայմանները լեռան վրա այնքան դժվար են փրկարարների համար, որ մահացածների դիակների մեծ մասը մնում է այնտեղ, որտեղ մարմինն ընկել է, դրանց մի մասը տեսանելի է բարձրանալուստանդարտարահետներից։

Հղումներ թեմայով.

The Guardian: Mount Everest moved three centimetres after Nepal earthquake