Թուրքիայում վերակառուցում են Ադանայի Սև եկեղեցին ու Ֆեքե ամրոցը22 հունիսի 2015 - 16:09 AMT PanARMENIAN.Net - Թուրքիայում վերակառուցվում են Կիլիկյան Հայաստանի տարածքում՝ Ադանայում գտնվող Սև եկեղեցին (Kara Kilise) և Ֆեքե ամրոցը: Թուրքական Milliyet պարբերականի վկայությամբ՝ վերակառուցման աշխատանքները գրեթե ավարտված են: Ադանայի Սյուլեմիշլի շրջանի թաղապետ Հասան Գեզերը տեղեկացրել է, որ վերակառուցման աշխատանքները սկսվել են դեռևս 2 տարի առաջ և ավարտին կհասցվեն մինչև տարեվերջ: Գեզերը նշել է, որ վերջին շրջանում տեղացի և օտարազգի զբոսաշրջիկների մեծ հոսք է նկատվում դեպի եկեղեցի և ամրոց: Նրա կարծիքով զբոսաշրջիկների թիվը կաճի, եթե հյուրընկալելու համար համապատասխան կառույցներ լինեն: Ամրոցի վերկանգնողական աշխատանքներով զբաղվող հնագետ Ադեմ Յըլդըզն ընդգծում է, որ 1000 –ականներին կառուցված ամրոցը գտնվել է Փոքր Հայաստանի կամ Կիլիկյան Հայաստանի տարածքում: «Ամրոցի հարևանությամբ վերականգնվում է նաև Սև եկեղեցին, որը կապված է եղել տարածքում գտնվող 14 այլ եկեղեցու հետ: Վերականգնվում են նաև մի քանի այլ ամրոցներ, որոնք Ֆեքե ամրոցի հետ ընդհանուր շղթա են կազմում և այդ շղթայում Ֆեքե ամրոցի դերը շատ մեծ է: Այս ամրոցը շատ տպավորիչ է իր պատմությամբ և գեղեցկությամբ: Այն կառուցված է անհավատալի և յուրահատուկ ճարտարապետական հնարքներով՝ շատ հետաքրքիր ձևով վերամշակված քարերից»,- նշել է հնագետը: Ադանան քաղաք է Դաշտային Կիլիկիայում, Ադանայի նահանգի մայրաքաղաքն է։ Քաղաքը գտնվում է Սարոս գետի ստորին հոսանքի շրջանում, որտեղ գետը դառնում է նավարկելի։ Ադանան կառավարում է երկու շրջան՝ Սեյհան և Յուրեղիր, որոնց միագումար բնակչությունը մոտ 1,5 մլն է: Ադանան հինգերորդ խիտ բնակեցված քաղաքն է Թուրքիայում (Պոլսից, Անկարայից, Իզմիրից և Բուրսայից հետո)։ 20-րդ դարի սկզբին Ադանան ուներ 45.000 բնակիչ, որից 12.600-ը՝ հայ։ Նրանք զբաղվում էին արհեստով, առևտրով և գյուղատնտեսությամբ։ Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |