Ժակ Շիրակ. Թուրքիան ինքը պետք է շահագրգռված լինի Հայոց ցեղասպանության ճանաչման հարցում
Հայաստանը հատաքրքրված է կանխատեսելի, ժողովրդավարական հարեւանով, ինչպիսին կարող է դառնալ Թուրքիան: Այդ մասին հայտարարել է Հայաստանի նախագահ Ռոբերտ Քոչարյանը Ֆրանսիայի նախագահի հետ համատեղ մամլո ասուլիսի ժամանակ` պատասխանելով Le Monde թերթի հարցին: Նրա խոսքերով, ԵՄ անդամակցության վերաբերյալ Թուրքիայի բանակցությունները պետք է մի շարք կարեւոր հարցերի պատասխաններ տան, այդ թվում` կապված Հայոց ցեղասպանության հետ:
Իր հերթին, Ժակ Շիրակը ընդգծել է, որ յուրաքանչյուր երկրի իմիջն ավելի է բարձրանում, եթե նա ընդունում է իր անցյալը: «Գերմանիան ոչինչ չկորցրեց` ճանաչելով Հոլոքոստը, ընդհակառակը: Անցյալի սխալները պետք է ընդունել, դա ժողովրդին պատիվ է բերում, եւ Թուրքիան ինքը պետք է շահագրգռված լինի Հայոց ցեղասպանության ճանաչման հարցում»,- ընդգծել է ֆրանսիացի նախագահը:
Իր հերթին, Ժակ Շիրակը ընդգծել է, որ յուրաքանչյուր երկրի իմիջն ավելի է բարձրանում, եթե նա ընդունում է իր անցյալը: «Գերմանիան ոչինչ չկորցրեց` ճանաչելով Հոլոքոստը, ընդհակառակը: Անցյալի սխալները պետք է ընդունել, դա ժողովրդին պատիվ է բերում, եւ Թուրքիան ինքը պետք է շահագրգռված լինի Հայոց ցեղասպանության ճանաչման հարցում»,- ընդգծել է ֆրանսիացի նախագահը:
