Թուրքիայի 3 հայ պատգամավորին աջակցող հայտարարության տակ 200 մտավորական է ստորագրել 8 հուլիսի 2015 - 12:56 AMT PanARMENIAN.Net - «Անկարայի մտքի ազատության նախաձեռնության» կողմից վերջին շրջանում հայ մտավորականներին ու պատգամավորներին թիրախավորող ռասիստական դրսևորումները դատապարտող հայտարարություն է տարածվել: Հայտարարության տեքստի տակ ստորագրել է 200 մտավորական` ակադեմիկոսներ, արվեստագետներ, իրավաբաններ և քաղաքական գործիչներ, որոնց թվում է ճանաչված գրող, լրագրող Դավիթ Բարսամյանը: Ըստ թուրքական Gercekgundem.com լրատվական կայքի` հայտարարության մեջ դատապարվում է նաև քաղաքական և դատական կառույցների լռությունն այս խնդրի վերաբերյալ: Հայտարարության մեջ ասվում է, որ «կոալիցիոն խաղերի այս ժանամակաշրջանում» Էրդողանի ռեժիմի շարունակականությունն ապահովելու համար ամոթալի արշավ է սկսվել: Ամոթալի, որովհետև թիրախ են ընտրվել մեր հայ եղբայրներին, որոնց 19-րդ դարի կեսերից սկսված կոտորում ենք: Անիի ավերակներում նախնիների համար աղոթող հայ կնոջ առջև ազան են կանչում: Կարսի «Ուլքյու օջաքլարը» խմբավորումները հայտարարում են փողոց դուրս գալու ու հայերի որս սկսելու մասին: Ադանայի ԱՇԿ-ական (Ազգայնական շարժում կուսակցություն) քաղաքապետի` հասարակաց տների սեփականատեր, հարկերը բարեխղճորեն վճարած լուսահոգի հայազգի Մաթիլդ Մանուկյանի անվան մեջբերմամբ գրառումն էլ դրա վերջին օրինակն է, գրում է Ermenihaber-ը: Հայտարարության 2-րդ մասում հեղինակները նշում են, որ այժմ էլ թիրախ են դարձել տարբեր կուսակցություններից ընտրված 3 հայ պատգամավորը` վրդովվմունք հայտնելով, որ վերջիններիս ուղղված ռասիզմ ու ատելություն պարունակող հայտարարություններն անտեսվում են դատական մարմինների կողմից: Միաժամանակ նշվում է, որ կուսակցությունները, որոնց անդամն են հանդիսանում 3 հայ պատգամավորը, պետք է այս ռասիստական հարձակումների վերաբերյալ անմիջապես քննադատական հայտարարություններ անեն և համապատասխան նախաձեռնություններով հանդես գան: «Այս պարտականությունը մեջլիսի կուսակցությունների հանձնառությունն է, որպեսզի վաղը, երբ գրվի այսօրվա պատմությունը, իրենք իրենց երեխաների ու թոռների առջև վատ դրության մեջ չհայտնվեն»,- եզրափակվում է հայտարարությունը: Թուրքիայում հունիսի 7-ին կայացած խորհրդարանական ընտրությունների արդյունքում երկրի խորհրդարան 4 քրիստոնյա պատգամավոր է անցել, որոնցից 3-ը՝ հայ: Ընդ որում, հայ պատգամավորներն ընտրվել են տարբեր կուսակցություններից՝ Մարգար Եսայանը՝ Արդարություն և զարգացում կուսակցությունից, Սելինա Դողանը՝ Ժողովրդահանրապետական կուսակցությունից, Գարո Պալյանը՝ Ժողովրդադեմոկրատական կուսակցությունից: Մյուս քրիստոնյան՝ Էրոլ Դորան, ասորի է: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ՄԻՊ աշխատակազմը մայիսի 9-ին արտակարգ ռեժիմով է աշխատելու Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումը Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով |