Եգանյան. ՀՀ 2600 քաղաքացու համար վերականգնվել է ՌԴ մուտք գործելու իրավունքը

8 հուլիսի 2015 - 19:30 AMT

PanARMENIAN.Net - ՀՀ 2600 քաղաքացու համար Ռուսաստանի տարածք մուտքի իրավունքը վերականգնվել է: Այս մասին տեղեկացրել է ՀՀ Պետական միգրացիոն ծառայության պետ Գագիկ Եգանյանը: Նրա խոսքով՝ այդ հարցով ռուսական կողմի հետ բանակցությունները հաջող են ընթացել։

«Մեզ դիմել է 9500 մարդ։ Նրանցից յուրաքանչյուրի հետ բացատրական աշխատանք է տարվել և ներկայացվել անհրաժեշտ փաստաթղթերի ցանքը: Նրանցից շատերն անգամ չգիտեին, թե ինչ խախտումներ են թույլ տվել Ռուսաստանում։ Ամեն օր մեզ 20-60 քաղաքացի է դիմում։ 9500 դիմումից 6000-ի նամակներն արդեն պատասխան են ստացել, ՀՀ 2600 քաղաքացի նորից ՌԴ մուտք գործելու իրավունք է ստացել», - ասել է Եգանյանը, հաղորդում է Armenia Today-ը:

ԵՏՄ–ին Հայաստանի անդամակցությունը հայ աշխատանքային միգրանտների համար դյուրացրել է ՌԴ մուտք գործելու արգելքը բողոքարկելու ընթացակարգը:

Եթե նախկինում քաղաքացին Ռուսաստան մուտք գործելու արգելք էր ստացել, ապա ՌԴ ԴՄԾ-ն բարենպաստ ռեժիմ կսահմանի որոշումը բողոքարկելու դիմումների համար քաղաքացիների միանգամից մի քանի կատեգորիաների համար.

1. ՀՀ այն քաղաքացիների համար, որոնք Ռուսաստանում ունեն ՌԴ քաղաքացի ընտանիքի անդամներ: «Սկզբում խոսքը գնում էր ծնողների, երեխաների և ամուսինների մասին, սակայն մեր ռուս գործընկերները համաձայնվեցին ներառել նաև քույր-եղբայրներին»,-պարզաբանել է Եգանյանը:

2. ՀՀ այն քաղաքացիների համար, որոնք ՌԴ են մեկնում սովորելու, բուժվելու կամ հիվանդի խնամելու:

3. ՀՀ այն քաղաքացիներին, ովքեր իրենց անունով սեփականություն ունեն Ռուսաստանում:

4. Այն քաղաքացիները, որոնք նախկինում Ռուսաստանում գտնվելու իրավունք էին ստացել՝ աշխատելու թույլտվություն կամ այլ:

5. 50 տարեկանից բարձր անձանց:

2015 թ. հունվարի 1-ից ՀՀ քաղաքացիների՝ Ռուսաստանում աշխատելու ընթացակարգերը զգալիորեն հեշտացվել են: Այսինքն՝ օրինական արտագնա աշխատողների համար այլևս լրացուցիչ փաստաթղթերի կարիք չկա. միայն ՀՀ քաղաքացու անձնագիր և աշխատանքային պայմանագիր: Գագիկ Եգանյանի մեկնաբանությամբ 180 օրը վերանում է, և աշխատանքային պայմանագիր ունենալու դեպքում, թե՛ միգրանտը, թե՛ նրա ընտանիքի անդամները համարվում են ՌԴ-ում և ԵՏՄ անդամ երկրներում օրինական բնակվող, ՌԴ քաղաքացուն հավասարեցված իրավունքներ ունեցող անձինք:

Հղումներ թեմայով.

Armenia Today: Право въезда на территорию РФ было восстановлено для 2600 граждан Армении