Առևտրի ֆինանսավորման մրցանակաբաշխություն 2014. HSBC-ն պարգևատրում է իր լավագույն հաճախորդներին 8 հուլիսի 2015 - 18:01 AMT PanARMENIAN.Net - Արդեն 6-րդ տարին անընդմեջ HSBC Բանկ Հայաստանը պարգևատրում է առևտրի ֆինանսավորման ոլորտում լավագույն արդյունքները գրանցած իր հաճախորդներին: HSBC-ի այս մրցանակները ցուցանիշ են դարձել և մատնանշում են շուկայի առաջատար կազմակերպություններին՝ ըստ HSBC Բանկ Հայաստան ՓԲԸ տեսակետի: Մրցանակաբաշխությունը առևտրի ֆինանսավորման ոլորտում ուղենիշ է հանդիսանում: «Մրցանակի արժանացած հինգ հաճախորդները զգալի արդյունքներ են գրանցել 2014 -ի ընթացքում, և հսկայական դեր են խաղացել երկրում իրենց ոլորտը զարգացնելու հարցում՝ գրանցելով աճ, զարգացնելով միջազգային կապերը, հավատարմություն ցուցաբերելով գործընկերների հանդեպ և նորարարական տեխնոլոգիաների ներդրմամբ», - ասաց HSBC Բանկ Հայաստանի գլխավոր գործադիր տնօրեն Թիես Քլեմենցը հուլիսի 8-ի մրցանակաբաշխության ընթացքում: Նա նվիրվածության և այլ երկրների մասնագետների հետ համատեղ աշխատանքի համար շնորհակալություն հայտնեց բանկի առևտրի ֆինանսավորման աշխատակիցներին: «HSBC- ի աշխարհագրական սփռվածությունը մեզ և մեր հաճախորդներին հնարավորություն է ընձեռում օգտվել ավելի քան 60 երկրում աշխատող մեր 5800 մասնագետի կողմից տրամադրվող խորհրդատվությունից և փորձից, ովքեր պատրաստ են օգնել հայաստանյան բիզնեսներին՝ տրամադրելով բարձրորակ ծառայություններ և ցածր ռիսկային, նվազ ծախսատար առևտրի ֆինանսավորման լուծումներ: Սա իրապես հզոր մրցակցային առավելություն է, որով կարելի է հպարտանալ», - նշեց Քլեմենցը:
Նրա խոսքով՝ HSBC- ի աշխարհագրական սփռվածությունը Հայաստանի համար հասանելի է դարձնում ամբողջ միջազգային առևտրի 85%-ը: «Յուրաքանչյուր րոպե մենք աշխարհում իրականացնում ենք 1 միլիոն ԱՄՆ դոլարի առևտրային գործարքներ», - տեղեկացրեց Քլեմենցը՝ նշելով, որ HSBC-ի նպատակն է լինել աշխարհի առաջատար միջազգային բանկն առևտրի ֆինանսավորման ոլորտում և առաջին բանկը, որի մասին կմտածեն տեղական ներմուծողներն ու արտահանողները, երբ նրանց բիզնեսը հատի Հայաստանի սահմանները: HSBC խումբն առաջարկում է ավելի քան 100 տեսակի առևտրի ֆինանսավորման գործիք: Բանկն ունի 150 տարվա միջազգային և 19 տարվա տեղական փորձ: Վերջին 14 տարիվա ընթացքում HSBC-ն 10 անգամ ճանաչվել է «Լավագույն առևտրի ֆինանսավորման բանկը» Trade Finance պարբերականի կողմից: HSBC Բանկ Հայաստանի առևտրավարկային դեպարտամենտի տնօրեն Արամ Փինաջյանն իր հերթին ընդգծեց, որ առևտրի ֆինանսավորումը մշտապես եղել է HSBC-ի ԴՆԹ-ում: Նրա խոսքով՝ Հայաստանն այս պարագայում բացառություն չէ: «Արդեն վեցերրորդ տարին է մենք որդեգրել ենք մի պարզ կարգախոս և շարունակում ենք առաջնորդվել դրանով՝ եթե ձեր բիզնեսը հատում է Հայաստանի սահմանները, HSBC-ն կարող է օգնել ձեզ երկու կողմերում էլ», - ասաց Փինաջյանը: Առևտրավարկային դեպարտամենտի տնօրենը տեղեկացրել է, որ մրցանակաբաշխությանը մասնակցող կազմակերպությունները հաղթող են ճանաչվել 2014-ին միջազգային առևտրի ոլորտում ցուցաբերած իրենց նորարարական մոտեցումների, ակտիվ գործունեության և գրանցած զգալի հաջողությունների համար: Այսպիսով՝ 2014-ի հինգ լավագույն առևտրի ֆինանսավորման հաճախորդներն են. Առևտրի ֆինանսավորման լավագույն հաճախորդ՝ Միջազգային առևտրի մրցանակ. «Գլաս ուորլդ քամփնի» ՓԲԸ Փինանջյանի խոսքով՝ այս անվանակարգում հաղթող «Գլաս ուորլդ քամփնի» ընկերությունը մեծ առաջընթաց է գրանցել միջազգային առևտրի ոլորտում: 2014-ին HSBC Հայաստանը թողարկել է պատմության մեջ իր ամենամեծ ակրեդիտիվն այս բիզնեսի համար, որի արդյունքում կրկնապատկվել է կազմակերպության արտադրական հզորությունը և ընդլայնվել արտահանման հնարավորությունները: «Գլաս ուորլդ քամփնի» ՓԲԸ-ն հիմնադրվել է 2004-ին Արզնիում գտնվող ARMCRYSTAL ընկերության հիման վրա, որը 1968-ից եղել է Խորհրդային Միությում գործող ապակյա և բյուրեղյա իրեր արտադրող ամենահզոր գործարաններից մեկը:
Առևտրի ֆինանսավորման լավագույն հաճախորդ՝ Նորարարական առևտրի մրցանակ. «Գոլդս ֆիտնես» ՍՊԸ Փինաջյանի խոսքով՝ «Գոլդս ֆիտնես» կազմակերպությունն այս մրցանակը ստանում է Հայաստանում առողջ ապրելակերպը խթանելու համար, ինչն իրականացնում է առևտրի ֆինանսավորման գործիքներն օգտագործելու միջոցով: Պատասխալելով հարցին, թե ինչպիսի դեր է խաղում HSBC-ի հետ գործակցությունը Գոլդս Ֆիտնես ՍՊԸ զարգացման գործում, կազմակերպության տնօրեն Տիգրան Մարտիրոսյանը տեղեկացրել է, որ 2014 –ին բանկի շնորհիվ հնարավորություն են ստացել ընդլայնել գործունեությունը՝ Երևանում երկրորդ հասցեի բացման միջոցով: «Վերջին տարիներին մեր գործունեությունը ընդլայնվել է երկրորդ հասցեի միջոցով, որի սարքավորումների ներկրման և գործարկման համար մեր կողքին կանգնած էր HSBC-ն», - ասաց Մարտիրոսյանը: «Գոլդս ֆիտնես» ՍՊԸ-ն հիմնադրվել է 2004-ին՝ բացելով երկրում առաջին մարզասրահը 2008 –ին՝ ֆրանչայզինգի սկզբունքով: Այժմ այն դարձել է Հայաստանի առաջատար ֆիթնես կենտրոններից մեկը: Առևտրի ֆինանսավորման լավագույն հաճախորդ՝ Լավագույն նորեկ հաճախորդ. ՄԱՊ ՓԲԸ Առևտրավարկային դեպարտամենտի տնօրենը պարզաբանել է, որ այս անվանակարգում ընտրվել է բանկի համար լավագույն նորեկ հաճախորդ կամ կազմակերպություն, որ նոր է սկսել օգտվել առևտրի ֆինանսավորման գործիքներից: «Այս անվանակարգում ներկայացվող կազմակերպությունն ընտրվել է իր աճի հզոր ներուժի համար», - ասաց Փինաջյանը: ՄԱՊ ՓԲԸ-ն ունի իր ուրույն դերը Հայաստանում գինու և կոնյակի արտադրության զարգացման գործում: Կազմակերպությունը հիմնադրվել է 1942-ին:Այսօր գործարանը հագեցած է գինու և կոնյակի ժամանակակից արտադրական հոսքագծերով և խաղողի մշակման սարքավորումներով: Առևտրի ֆինանսավորման լավագույն հաճախորդ` Գլխավոր գործադիր տնօրենի հատուկ մրցանակ. «Շեն hոլդինգ» ՓԲԸ Փինաջյանի խոսքով՝ այս կազմակերպության հետ գործակցությունը սկսվել է 2001-ից: Բանկի հետ բազմամյա աշխատանքային փորձի, առավելագույն նվիրվածության և առևտրի ֆինանսավորման ծառայությունների լայնածավալ օգտագործման համար է, որ ընկերությունը հաղթել է այս անվանակարգում: «Շեն hոլդինգ» ՓԲԸ-ն հանդիսանում է տեղական արտադրության բարձրորակ և էկոլոգիապես մաքուր շինանյութեր մատակարող առաջատարը շուկայում: Կազմակերպությունը զբաղվում է շինանյութերի արտադրությամբ, տարածմամբ և առևտրով: Առևտրի ֆինանսավորման լավագույն հաճախորդ՝ գրան պրի` «Յուքոմ» ՍՊԸ: Տարվա լավագույն հաճախորդն ընտրվել է առևտրի ֆինանսավորման գործիքների (ակրեդիտիվներ) օգտագործման՝ ծավալի և քանակի, ապագա ներուժի, ինչպես նաև HSBC ցանցից (Եվրոպա, Ասիա և ԱՄՆ) օգտվելու համար: «Յուքոմ» ՍՊԸ-ն Հայաստանում թվային հեռահաղորդակցության և հեռարձակման ծառայություններ տրամադրող առաջատարն է, որի հիմնական բիզնես գործընկերը Ericsson AB-ն է: «Յուքոմ» ընկերության տնօրեն Հայկ Եսայանը, պատասխալելով հարցին, թե որքանով է HSBC-ի հետ գործակցությունը օգնում իրականացնել ընկերության ծրագրերը Հայաստանում, նշեց, որ ընկերությունը լայնորեն օգտվում է բանկի առևտրային ծառայություններից: «Մենք կարևորում ենք այն փաստը, որ HSBC-ն օպերատիվ և հեշտությամբ կարողանում է լուծել մեր խնդիրները Հայաստանից դուրս գտնվող բանկերի հետ: Փորձում ենք մաքսիմալ գործակցել առևտրի ֆինանսավորման ոլորտում՝ տարեցտարի ավելացնելով մեր ֆինանսավորման աղբյուրների ծավալները բանկի միջոցով», - ասաց Եսայանը: 2014-ին HSBC-ի առևտրի ֆինանսավորման ծառայությունների ծավալն աճել է 35%-ով` 2014-ին կազմելով 31.8 մլրդ ՀՀ դրամ, 2013-ի 23 մլրդ ՀՀ դրամի համեմատ: Առևտրի ֆինանսավորման եկամուտներն աճել են 51%-ով: 2014-ի մարտ ամսվա դրությամբ առևտրի ֆինանսավորման շուկայական մասնաբաժինը կազմել է 37%: HSBC-ն Հայաստանում հիմնադրվել է 1996-ին՝ որպես փակ բաժնետիրական ընկերություն Midland Armenia Bank ԲԸ անվանումով: 1999-ին վերանվանվել է «Էյչ-Էս-Բի-Սի Բանկ Հայաստան» ՓԲԸ-ի: Բանկը համատեղ ձեռնարկություն է, որի 70%-ը պատկանում է HSBC Խմբին, իսկ 30%-ը` արտերկրի հայ գործարարներին: HSBC Հայաստանը սպասարկում է մոտ 36.000 հաճախորդի Երևան քաղաքում գտնվող իր 10 գրասենյակի և մոտ 383 աշխատակցի միջոցով: 2014 թ. դեկտեմբերի 31-ի դրությամբ բանկի ակտիվները կազմել են 306.609.112.000 ՀՀ դրամ: Բանկը Հայաստանի արտարժույթի շուկայի առաջատարներից մեկն է: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |