Արցախցի 3 մարզիկ կմասնակցի Պեկինում Կունգ ֆուի աշխարհի առաջնությանը14 հուլիսի 2015 - 20:13 AMT PanARMENIAN.Net - Արցախի մարզիկները կմասնակցեն Չինաստանի մայրաքաղում կայանալիք Կունգ ֆուի աշխարհի առաջնությանը, որը կանցկացվի հուլիսի 17-22-ը: Այդ մասին հայտնել է միջազգային կարգի սպորտի վարպետ, ԼՂՀ ուշուի ֆեդերացիայի գլխավոր մարզիչ Դավիթ Գրիգորյանը, գրում է «Արցախպրես»-ը: Նրա խոսքով՝ առաջնությանը, որի կազմակերպիչը Կունգ ֆուի միջազգային ֆեդերացիան է, մասնակցելու են ավելի քան 80 երկիր ներկայացնող մարզիկներ: Արցախից առաջնությանը կմասնակցի 3 մարզիկ: 18-ից բարձր տարիքային խմբի մինչև 52 կգ քաշային կարգում հանդես կգա աշխարհի չեմպիոն Վարդգես Մանասյանը, Հայկ Խաչյանը կպայքարի 17-18 տարիքային խմբում (մինչև 56 կգ քաշային կարգ), իսկ Հայկ Գասպարյանը՝ 15-16 տարիքային խմբում` մինչև 56 կգ քաշային կարգում: «Վերոհիշյալ մարզիկներն այս տարի դարձել են ՀՀ Կունգ ֆու սանդայի հաղթողներ, ինչի արդյունքում հրավիրվել են մասնակցելու աշխարհի պեկինյան առաջնությանը», - ասել է Գրիգորյանը: Խոսելով նպատակադրումների մասին՝ գլխավոր մարզիչն ընդգծել է, որ ցանկանում են առաջին հերթին աշխարհին ապացուցել, թե Արցախի մարզիկներն իրենց պատրաստականությամբ չեն զիջում մյուս երկրների մարզիկներին: «Բացի այդ, մեզ համար կարևոր է փորձի փոխանակումը, առավել ևս, որ այդ սպորտաձևի հայրենիքը Չինաստանն է», - հավելել է Գրիգորյանը: Մարզիչը համոզված է, որ Պեկինում կայանալիք Կունգ ֆուի աշխարհի առաջնությունը կնպաստի նաև Արցախի միջազգային ճանաչմանը: 2014-ին ԼՂՀ ուշուի ֆեդերացիայի սաներ Վարդգես Մանասյանն ու Դավիթ Պետրոսյանը՝ մարզիչ Դավիթ Գրիգորյանի գլխավորությամբ, Պեկինում կայացած Կունգ ֆուի աշխարհի 3-րդ առաջնությունից Արցախ վերադարձան ոսկե և արծաթե մեդալներով։ Նրանց շնորհիվ ուշուի հայրենիքում բարձրացվեց հայկական դրոշը։ Մանասյանին (48 կգ քաշային կարգ) դարձավ Կունգ ֆուի աշխարհի չեմպիոն, իսկ Դավիթ Պետրոսյանին (60 կգ)՝ փոխչեմպիոն: Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա | ՀՀ և Սաուդյան Արաբիայի ԱԳ նախարարներն ընդգծել են պարբերական ուղիղ չվերթերի կարևորությունը Միրզոյանը գործընկերոջ ուշադրությանն է ներկայացրել «Խաղաղության խաչմերուկ» ծրագիրը Փաշինյան․ Մեր մտածածն էն ա, որ ասեք՝ «վայ, ինչ լավ ա, որ 50 մետր էն կողմ Ադրբեջանն ա» Վարչապետը նաև վստահեցրել է, որ եթե այս քայլերը չարվեն, երաշխավորում է, որ մեր տարածաշրջանում նոր պայթյուն է լինելու Թյուրքագետը՝ ԼՂ–ից ռուս խաղաղապահների դուրս գալու մասին․ Սյունիքը հայտնվեց լիարժեք թուրքական աքցանի մեջ Նա նշել է, որ դրանով Սյունիքի ու Ադրբեջանի բանակի միջև վերանում է վերջին հնարավոր խոչընդոտը Տոյվո Կլաարն առաջադրվել է Ուզբեկստանում ԵՄ դեսպանի պաշտոնում Նրա թեկնածությունը Բորելի առաջադրումների ցուցակում է |