Հանրահայտ Զուբին Մեթայի ղեկավարությամբ Իսրայելի նվագախումբը՝ Երևանում  20 հուլիսի 2015 - 18:02 AMTPanARMENIAN.Net - Սպենդիարյանի անվան օպերայի և բալետի ազգային ակադեմիական թատրոնում սեպտեմբերի 3-ին ելույթ է ունենալու Իսրայելի ֆիլհարմոնիկ նվագախումբը` հանրահայտ դիրիժոր Զուբին Մեթայի ղեկավարությամբ։ Համերգը կայանալու է «Երևանյան hեռանկարներ» XVI միջազգային երաժշտական փառատոնի շրջանակում, PanARMENIAN.Net ին տեղեկացրին փառատոնի մամուլի բաժնից: Ծրագրում է Ռիխարդ Շտրաուսի «Թիլ Ուլենշպիգել» սիմֆոնիկ պոեմը, Արնոլդ Շյոնբերգի Կամերային սիմֆոնիան, Պյոտր Չայկովսկու «Պաթետիկ»՝ 6-րդ սիմֆոնիան: Իսրայելի ֆիլհարմոնիկ նվագախումբն աշխարհում լավագույններից է. այն արդեն մոտ 80 տարի գրավում է աշխարհի առաջատար բեմերը, մշակութային օջախները և հյուրընկալվում ամենահեղինակավոր երաժշտական փառատոններում։ Նվագախմբի ղեկավարն աշխարհահռչակ դիրիժոր Զուբին Մեթան է, որը ելույթ է ունեցել 5 աշխարհամասի լավագույն բեմերում։ Նա աշխարհի այնպիսի առաջատար նվագախմբերի «պատվավոր դիրիժոր» է, ինչպիսիք են Նյու Յորքի, Վիեննայիմ Մյունխենի ֆիլհարմոնիկ նվագախմբերը և այլն։ Դիրիժորն արժանացել է բազմաթիվ տիտղոսների և մրցանակների: Երուսաղեմի եբրայական համալսարանի և Վեիզման ինստիտուտի պատվավոր դոկտոր է, Ֆլորենցիայի և Թել Ավիվի պատվավոր քաղաքացի: 2011-ին Մեթանի անվամբ աստղ է բացվել Հոլիվուդի հայտնի Փառքի ճեմուղում։ «Երևանյան հեռանկարներ» փառատոնը հիմնադրվել է 2000-ին և ընդհուպ մինչև 2010-ը կոչվում էր «21-ի հեռանկարներ»։ Այն անկախ Հայաստանի պատմության առաջին փառատոնն էր։ 2008-ից փառատոնն անցկացվում է ՀՀ նախագահ Սերժ Սարգսյանի բարձր հովանու ներքո։ Դրա շրջանակում Հայաստանում ելույթ են ունենում համաշխարհային մակարդակի երաժիշտներ և կատարողներ:   Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով   Ամենաընթերցվողը բաժնում |  Վերջին լուրեր Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով  Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքըԿուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձություններըԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալԷրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |
