ՌԴ Պետդուման հոկտեմբերի 6-ին միաձայն վավերացրել է վրացական տարածքով ռուսական զորքերի եւ սպառազինութան տարանցման մասին Վրաստանի հետ կնքած համաձայնագիրը: Վավերացման էր ներկայացվել նաեւ վրացական տարածքից ռուսական ռազմական օբյեկտների դուրս բերման կարգի մասին համաձայնագիրը: Համաձայնագրով որոշվում է ՌԴ Պաշտպանության նախարարության ռազմական բեռներին եւ Գյումրիի (Հայաստան)102-րդ ռուսական ռազմակայանի անձնակազմի նյութատեխնիակական եւ կադրային ապահովման համար անհրաժեշտ բեռների տարանցման կարգը վրացական տարածքով: Փաստաթղթերը հաստատել են նաեւ Ախալքալաքի եւ Բաթումի ռուսական ռազմակայանների եւ Անդրկովկասում ռուսական զորախմբի այլ օբյեկտների ժամանակավոր գործունեության ժամկենտն ու կարգը: Ախալքալաքի բազան պետք է փակվի մինչեւ 2007 թվականի վերջը, իսկ Բաթումինը` մինչեւ 2008-ի ավարտը: Մինչ այդ կավարտվի նաեւ այլ ռուսական ռազմական օբյեկտների դուրց բերումը Վրաստանից: Մինչդեռ, այսօր ՌԴ ԶՈՒ Գլխավոր շտաբի պետի տեղակալ Ալեքսանդր Սկվորցովը հայտարարել է, որ Ռուսաստանը պահուստային տարբերակներ է որոնում Հայաստանում տեղակայված ռազմակայան ռազմական բեռներ տեղափոխելու համար: Այդ հայտարարությունն արվել է ռուս-վրացական հարաբերությունների սրման կապակցությամբ, հայտարարել է NEWSru.com-ը: