  Թուրքիան 150 կմ-անոց պատ կկառուցի Սիրիայի հետ սահմանին 23 հուլիսի 2015 - 17:40 AMT PanARMENIAN.Net - Թուրքիայի իշխանությունները մոդուլային պատ են կառուցելու Սիրիայի հետ սահմանին Սուրուչում 32 մարդու կյանք խլած ահաբեկչությունից հետո, հայտնել է Reuters գործակալությունը Թուրքիայի կառավարությունում սեփական աղբյուրներին հղումով: Հուլիսի 20-ին պայթյուն որոտաց Շանլիուրֆա նահանգի Սիրիայի հետ սահմանին գտվող Սուրուչ քաղաքի Ամարա մշակութային կենտրոնի մոտ գտնվող թեյարանում, որի պատասխանատվությունը դրվեց «Իսլամական պետության» վրա: «Հայտնաբերվել են սահմանի խոցելի հատվածները, որոնց կտրվի նախապատվությունը և միջոցներ կձեռնարկվեն բոլոր տեխնոլոգիական հնարավորությունների կիրառմամբ»,-ասել է Թուրքիայի վարչապետի տեղակալ Առինչ Բյուլենթը, որը նման հայտարարություն է արել նախարարների կաբինետի խորհրդակցության ժամանակ: Պաշտոնյան հայտնել է գործակալությանը, որ սահմանի երկայնքով 150 կմ երկարությամբ մոդուլային պատ կկառուցվի, որը կարելի է քանդել ու հավաքել, որտեղ ասես: Որոշ տեղերում կամրացվի փշալարը: 118 կմ հավտածի վրա իշխանությունները լուսարձակներ կտեղադրեն և կվերանորոգեն սահմանային ճանապարհները: Այս ամենն, ըստ պաշտոնյայի, կարժենա մոտ $86 մլն: Թուրքիայի ԶՈւ-ն արդեն 365 կմ երկարությամբ խրամատ է փորում Սիրիայի հետ սահմանին և արդեն տեղակայել է անօդաչու սարքերի և այլ հետախուզական թռչող սարքերի 90%-ը: Սահմանամերձ տարածքները հսկող ռազմական տեխնիկայի կեսից ավելին տեղակայվել է Սիրիայի հետ սահմանին: Նույնը վերաբերում է նաև զինծառայողներին` մոտ 20 հազարը կտեղակայվի սահմանի այդ հատվածում, հայտնում է ՌԻԱ Նովոստի գործակալությունը: Հուլիսի 20-ին մահապարտ ահաբեկիչը կլաստերային ռումբ պայթեցրեց Շանլիուրֆա նահանգի Սիրիայի հետ սահմանին գտվող Սուրուչ քաղաքի Ամարա մշակութային կենտրոնի մոտ գտնվող թեյարանում: Առնվազն 32 մարդ զոհվեց, 100-ից ավելին վիրավորվեց: Ըստ ոստիկանության տվյալների, ահաբեկչական գործողությունը 18-ամյա մահապարտ աղջիկ է իրականացրել, որը գործի է դրել պայթուցիկ սարքը: Այս շենքում է բնակվում մոտ 300 երիտասարդ, որոնք ներկայացնում են Սոցիալիստների երիտասարդական ընկերակցությունների դաշինքը: Պայթյունը որոտացել է այդ կազմակերպության անդամների ելույթի ժամանակ, որոնք մտադիր էին հայտարարել մամուլին, որ մեկնելու են վերականգնելու սիրիական Կոբանի քաղաքը, որը մի քանի ամիս մնաց «Իսլամական պետության» գրոհայինների հսկողության տակ:   Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   |  Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նաՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը |
