Աղբյուր. Apple-ը հետաձգել է iPhone 6s-ի զանգվածային արտադրությունը

8 օգոստոսի 2015 - 13:25 AMT

PanARMENIAN.Net - Apple ընկերությունը 1-2 շաբաթով հետաձգում է iPhone 6s սմարթֆոնների զանգվածային արտադրությունը: Այդ մասին հայտարարել է KGI Securities-ի վերլուծաբան Մին Չի Կուոն, որը հայտնի է Apple-ի վերաբերյալ իր հստակ կանխատեսումներով, ուստի նրա ասածները միշտ մեծ ուշադրության են արժանանում:

Վերլուծաբանը պնդում է, որ Apple-ը կրճատել է iPhone 6-ի և iPhone 6 Plus-ի պատվերների քանակը` թույլ տալու համար պայմանագրային արտադրողներին սկսել նոր մոդելների արտադրությունը: Ակնկալվում է, որ զանգվածային արտադրությունը կմեկնարկի օգոստոսի կեսից կամ ավարտից ոչ շուտ: Կուոն հայտնել է, որ iPhone 6s-ի արտադրության 60%-ը կիրականացնի Foxconn-ը, այն դեպքում, երբ մնացած 40%-ը բաժին կընկնի Pegatron-ին: Փոխարենը Foxconn-ը ստացել է iPhone 6s Plus արտադրության բոլոր պատվերները: Նման ծանրաբեռնվածության դեպքում ընկերության աշխատակիցները ստիպված կլինեն արտաժամյա աշխատել:

Ինչևէ, քիչ հավանական է, որ հետաձգումն ազդի նոր սմարթֆոնների անոնսի ամսաթվի վրա: Ակնկալվում է, որ դրանք կներկայացվեն սեպտեմբերի 11-ին:

Apple ընկերությունը մտադիր է միանգամայն նոր տեխնոլոգիաներ կիրառել հաջորդ սերնդի iPhone 6s սմարթֆոնի արտադրության մեջ: Տարբեր աղբյուրներ տարբեր ժամանակներում հայտարարել են մատնահետքերի սքանավորման օգտին Home կոճակից հրաժարվելու, սմարթֆոնի կորպուսի համար նոր կոմպոզիտային նյութի մշակման և այլ նորամուծությունների մասին: Համոզված լինելով նոր սմարթֆոնի ահռելի պահանջարկի մեջ՝ ընկերությունը մատակարաներին պատվիրել է արտադրել 85-ից 90 մլն միավոր նոր սմարթֆոն։ Այս մասին հայտնել են The Wall Street Journal-ի աղբյուրները։

Ավելի վաղ Bloomberg-ի աղբյուրները հայտնել էին, որ iPhone 6s-ը և iPhone 6s Plus-ը կստանան Force Touch տեխնոլոգիա, որը որոշում է սմարթֆոնի էկրանը սեղմելու ուժը: Արդեն հուլիսին ընկերությունը մտադիր է զգալիորեն ավելացնել արտադրության ծավալները: Ընդ որում աղբյուրները խոսում են iPhone 6s և iPhone 6s Plus-ի կառուցվածքի նմանության մասին սմարթֆոնների այսօրվա սերնդի հետ: Ուստի Apple-ում լուրջ դժվարություններ չեն ակնկալում արտադրության փուլում:

Միևնույն ժամանակ ընկերությունը կարող է խնդիրներ ունենալ Force Touch տեխնոլոգիայով դիսփլեյների առաքման ժամկետների հարցում: Իսկ դա, իր հերթին, հավանաբար կանդրադառնա նաև ընկերության սմարթֆոնների հաջորդ սերնդի զանգվածային արտադրության վրա:

Force Touch տեխնոլոգիան արդեն օգտագործվում է նոր 12-դյույմանով MacBook-ներում և Apple Watch «խելացի ժամացույցներում»: Ընկերությունում այն դիտարկում են որպես առանցքային մրցակցային առավելություն, որը թույլ կտա զգալիորեն առաջ անցնել Samsung-ից և մյուս արտադրողներից:

Ըստ լուրերի, 0,2 մմ Force Touch-ի կիրառումը կհաստանցի iPhone-ը և 0,15 մմ ավելի երկար կդարձնի: iOS 9 ելքային ծածկագիրը մատնանշում է, որ սմարթֆոնում օգտագործվել է ավելի որակյալ ֆրոնտալ տեսախցիկ, իսկ KGI վերլուծաբան Մին Չին Կուոն վստահ է, որ iPhone 6s և iPhone 6s Plus տեղադրված է հիմնական 12-մեգապիքսելանոց տեսախցիկ, իսկ սմարթֆոնները նոր գունային երանգ կունենան` «Վարդագույն ոսկի» (Rose Gold):

Apple Inc. ամերիկյան կորպորացիայի գլխավոր գրասենյակը գտնվում է Կալիֆորնիայի նահանգի Կուպերտինո քաղաքում, Apple-ը նախագծում և մշակում է սպառողական էլեկտրոնիկա, համակարգչային ծրագրային ապահովում։ Էփլի լավագույն հայտնի արտադրանքներ են Mac գիծի համակարգիչները, iPod նվագարկչի, iPhone սմարթֆոնը, iPad պլանշետները:

Apple-ն աշխարհի երկրորդ խոշորագույն տեղեկատվական տեխնոլոգիական ընկերությունն է, և աշխարհի երկրորդ խոշորագույն բջջային հեռախոս արտադրողը Սամսունգից հետո: 2014-ին ապրաքանիշը ճանաչվել է աշխարհի ամենաթանկ բրենդը ($153.3 միլիարդ արժողությամբ):

Հղումներ թեմայով.

Business Insider: The most accurate Apple analyst in the world thinks production of the iPhone 6S has been delayed

http://appleinsider.com/articles/15/08/07/rumor-with-launch-looming-iphone-6s-production-delayed-by-1-2-weeks