 Vk.com-ի տեսածառայությունը գովազդ կցուցադրի YouTube-ի ոճով 10 օգոստոսի 2015 - 17:15 AMT PanARMENIAN.Net - «ՎԿոնտակտե» սոցցանցը սկսել է փորձարկել գովազդային տեսահոլովակները: Ազդագրերը կիսաթափանցիկ են և հայտնվում են տեսանյութի ստորին մասում և, հավանաբար, ծանոթ են YouTube-ի բոլոր օգտատերերին: Հայաստանում «ՎԿոնտակտե» սոցցանցում գրանցված մոտ 860 հազար օգտատեր կա: Ըստ վերլուծաբանների, նրանց ճնշող մեծամասնությունն ակտիվ չէ` գրանցվելով միայն երաժշտական և տեսանյութերի բովանդակությունից օգտվելու համար: «ՎԿոնտակտե»-ի մամուլի քարտուղար Գեորգի Լոբուշկինը խոստովանել է գովազդային թեստավորման փաստը, սակայն չի հստակեցրել կոմերցիոն օգտագործման ժամկետները, ոչ էլ այն, թե կարող են արդոյք գովազդների հեղինակները որոշել ցուցադրվող գովազդային բովանդակության տեսակը: «ՎԿոնտակտե» տեսածառայության ամբողջական վերափոխման մասին լուրերը հայտնվեցին դեռ նախորդ տարվա կեսին, երբ լրագրողներին հաջողվեց իմանալ, որ սոցցանցը մտադիր է հնարավորություն տալ գովազդների հեղինակներին վաստակել` տեղադրելով դրանք, ինչը կխթանի օգտատերերին եզակի և որակյալ տեսակոնտենտ տեղադրել սոցցանցում: Իսկ ավելի ուշ «ՎԿոնտակտե»-ն հայտարարեց Pladform ծառայության հետ գործակցություն սկսելու մասին: Սոցցանցը նաև սկսել է Full HD (1920 × 1080) թողունակությամբ և վայրկայնում 60 կադր արագությամբ տեսանույթերի ներբեռնել ու վերարտադրել: Փոխվել են կառավարման որոշ տարրեր և թարմացվել է տեսանյութերի վերարտադրությունը, հայտնվել են մինիատյուրներ վերարտադրման և անհրաժեշտ հատվածի որոնման ժամանակ: Ընթացիկ պահից ներբեռնված հոլովակների վերարտադրումը կայուն է աշխատում և թույլ է տալիս վերարտադրել տեսագրությունը մինչև 1 վայրկյան ընդմիջումներով: Շուտով 1080p տեսանյութերի ներբեռնումը հասանելի կլինի հավաստագրված ընկերակցություններին ու Տեսակատալոգի մասնակիցներին: «ՎԿոնտակտե»-ն (vk.com) Եվրոպայի խոշորագույն սոցցանցն է, որը պատկանում է Mail.Ru Group-ին: SimilarWeb-ի տվյալներով, «ՎԿոնտակտե»-ն առաջինն է ըստ պահանջվածության Ռուսաստանում և Ուկրաինայում, և 6-ը` աշխարհում: Նախագիծը մեկնարկել է 2006-ի հոկտեմբերի 10-ին: Հաճախելիությունը 2015-ին հասել է ամսական 314,7 միլիոնի:  Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի   Ամենաընթերցվողը բաժնում |  Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինըԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |
