«Ի՞նչ, որտե՞ղ, ե՞րբ» խաղի 2016-ի աշխարհի առաջնությունը՝ ՀՀ-ում11 օգոստոսի 2015 - 13:53 AMT PanARMENIAN.Net - 2016-ին Ծաղկաձորում կանցկացվի միջազգային «Ի՞նչ, որտե՞ղ , ե՞րբ» խաղի աշխարհի առաջնությունը: Այս մասին օգոստոսի 11-ին հայտարարել է ՀՀ կրթության և գիտության նախարար Արմեն Աշոտյանը՝ տեղեկացնելով, որ օրերս Ակումբների միջազգային ասոցիացիայից (նախագահ Կոզլովի կողմից) գրավոր պատասխան են ստացել, որ Գիտակների հայկական ասոցիացիայի՝ ՀՀ-ում խաղի անցկացման հայտը բավարարվել է: Աշխարհի առաջնությունն անցկացվելու է ՀՀ նախագահի հովանու ներքո: ԿԳ նախարարը լինելու է Հայաստանի կողմից կազմակերպչական աշխատանքների համակարգողը, իսկ բլոգեր Տիգրան Քոչարյանը կզբաղվի գործադիր հարցերով: Նախարարը նշել է, որ Հայաստանում ինտելեկտուալ շարժումը վերջին տասը տարիներին գտնվում է ՀՀ կառավարության հովանու ներքո, դրան ուղղվում են համապատասխան բյուջետային հատկացումներ և այլն: Ինչպես նաև ծրագրավորված, համակարգված աշխատանք է տարվում Հայաստանում ինտելեկտուալ շարժումը քարոզելու ու ավելի համատարած դարձնելու ուղղությամբ: Այդ նպատակով կազմակերպում են փառատոններ, օլիմպիադաներ, գրում է Tert.am-ը: «Հայաստանում աճում է նոր սերունդ, և մեզ հաջողվել է այս տարիների ընթացքում պահպանել շարժումը, թույլ չտալ, որ այն մարի, նման վտանգ կար 2000-ականներին»,- նկատել է Աշոտյանը: Տիգրան Քոչարյանը հավելել է, որ թեև խաղը ռուսալեզու է, սակայն վերջին տարիներին շեշտը դրվում է նաև դրա հայերեն տարբերակն էլ զարգացնելու վրա: Ըստ բանախոսների, հետևողական աշխատանքի արդյունքում լավագույն արդյունքներ են գրանցվել միջազգային ասպարեզում: Կան այս ուղղությամբ հստակ ձեռքբերումներ, և դրանցից մեկը դիլիջանյան փառատոնն է, որին մասնակցում են նաև թիմեր այլ երկրներից: «Դիլիջանյան խաղեր» միջազգային ինտելեկտուալ փառատոնի շրջանակում 2014-ին Դիլիջանում տեղի է ունեցել «Ի՞նչ, որտե՞ղ, ե՞րբ» խաղի «Premier’s Cup. Դիլիջանյան խաղեր 2014» միջազգային մրցաշարը, որն կազմակերպում է Գիտակների հայկական ասոցիացիան: Մրցաշարին մասնակցել են Հայաստանի, Ռուսաստանի, Բելառուսի և Վրաստանի ուժեղագույն թիմերը: Այս փառատոնը պարբերաբար ճանաչվում է լավագույնը «Ի՞նչ , որտե՞ղ, ե՞րբ» միջազգային ասոցիացիայի մակարդակով: Նաև անցյալ տարի ակումբներից մեկը դարձել է բրեյն ռինգի փոխչեմպիոն: Գիտակների հայկական ասոցիացիան ներկայացնող «Նուիխ-Թելսել» երևանյան թիմը հուլիսի 31-ից օգօստոսի 2-ը Բաթումում գիտակների ինտելեկտուալ խաղերի Սևծովյան բաց գավաթի 4-րդ առաջնությունում «Բրեյն ռինգ» մրցաշարում գավաթ է նվաճել: Առաջնության ընթացքում անցկացվել են նաև «Ի՞նչ, որտե՞ղ, ե՞րբ», «Քո խաղը» և այլ ինտելեկտուալ խաղեր: Հայ գիտակ Ստեփան Սմբատյանը («Նուիխ-Թելսել») «Քո խաղը» մցաշարում դարձել է եզրափակչի մասնակից: 2014-ին «Բրեյն ռինգ» ինտելեկտուալ հեռուստախաղի աշխարհի փոխչեմպիոն է դարձել հայաստանյան «Երևան» թիմը: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |