Հայ ըմբիշների 3 բրոնզը՝ պատանիների ԱԱ մեկնարկում26 օգոստոսի 2015 - 13:11 AMT PanARMENIAN.Net - Բոսնիա Հերցեգովինայի մայրաքաղաք Սարաևոյում օգոստոսի 25-ին մեկնարկած հունահռոմեական ոճի ըմբշամարտի պատանիների աշխարհի առաջնությունում Հայաստանի 3 ըմբիշ նվաճել են բրոնզե մեդալներ: Այս մասին տեղեկացնում է Հայաստանի ըմբշամարտի ֆեդերացիայի կայքը: 54 կգ քաշային կարգում Տիգրան Մինասյանը նախ համոզիչ առավելությամբ որակաորման փուլում հաղթել է սերբ Ադամ Կատոնային, ապա նույնքան վստահ 8:0 հաշվով հաղթել է նախ թուրք Ահմետ Ույարին, ապա իրանցի Մոհամադ Մուխթարին: Սակայն Տիգրանը կիսաեզրափակչում պարտվել է վրացի Ջոնի Կետսուրիանիին: Բրոնզե մեդալի համար գոտեմարտում հայ ըմբիշը նույնպես 8:0 հաշիվ է գրանցել իր օգտին՝ այս անգամ պարտության մատնելով ճապոնացի Այատա Սուզուկիին: Այս քաշային կարգում հաղթող դարձավ ուկրաինացի Ալեքսանդր Խրյուշինը: 58 կգ քաշային կարգում հանդես եկած Էդգար Թամազյանը դժվարին հաղթանակով է սկսել՝ 1/8 փուլում 2:1 հաշվով պարտության մատնելով ուկրաինացի Սերգեյ Խրյուշինին: Քառորդ եզրափակչում վրացի ըմբիշ Դավիթ Բակուրաձեի նկատմամբ Էդգարին հաղթանակը շատ հեշտ է տրվել՝ 8:0, սակայն կիսաեզրափակչում նա պարտվել է իրանցի Ամին Կավիյանինեժադին և ստիպված եղավ պայքարել բրոնզե մեդալի համար: Երրորդ տեղի համար գոտեմարտում Էդգարը 3:1 հաշվով հաղթել է ամերիկացի Թեյլոր Լամոնտին: Այս քաշային կարգում չեմպիոն է հռչակվել Էդգարին կիսաեզրափակիչում պարտության մատնած Կավիյանինեժադը` եզրափակչում հաղթելով բելառուս Եգոր Վլադիկային: 63 կգ քաշային կարգում հանդես եկած Մալխաս Ամոյանի մրցելույթը սկսվել է պարտությամբ: Նա դեռ որակավորման փուլում 2:3 հաշվով զիջել է Եգիպտոսի ներկայացուցիչ Մոհամեդ Ալ Սաիդին: Թվում էր՝ Ամոյանը այլևս սպասելիք չունի, սակայն Ալ Սաիդը, ի զարմանս բոլորի, մեկը մյուսի ետևից հաղթելով մի քանի ըմբիշների՝ հասել է եզրափակիչ և Մալխասին նոր գոտեմարտեր անցկացնելու հնարավորություն տվել: Ամոյանը սփոփիչ գոտեմարտերը վերելքով է անցկացրել՝ 8:0 հաշվով հաղթելով ԱՄՆ-ի ներկայացուցիչ Դոմինիկ Դեմասին, ապա՝ 4:1 հաշվով հունգարացի Թամաշ Լեվաին: Իսկ բրոնզե մեդալի համար պայքարում Ամոյանը պարզապես ջախջախել է թուրք Աբդուլա Ֆատիհ Դեմիրին: Այս քաշային կարգում չեմպիոն է հռչակվել վրացի Այվենգո Ռիկաձեն՝ եզրափակչում մեծ դժվարությամբ առավելության հասնելով եգիպտական անակնկալի նկատմամբ: Ընդամենը երկու շաբաթ առաջ պատանի հունահրոմեականները Սերբիայում ավարտված Եվրոպայի առաջնությունից տուն էին վերադարձել ընդամենը մեկ բրոնզե մեդալով: Հայաստանի հունահռոմեական ըմբշամարտի պատանեկան հավաքականը Սարաևոյում հանդես է գալիս Գագիկ Խաչատրյանի գլխավորությամբ: Օգոստոսի 26-ին բոսնիական մրցագորգ կբարձրանան Հայաստանի ևս երեք պատվիրակ: Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա | Ապրիլին ՀՀ է այցելել 163,970 զբոսաշրջիկ՝ մոտ 16,000-ով պակաս, քան 2023–ին 2024 թ․ ապրիլին Հայաստան առավել շատ զբոսաշրջիկներ են եկել Ռուսաստանից Ucom-ի ֆիքսված ցանցն արդեն գործում է Արտաշատում Այս կապակցությամբ ընկերությունը գործարկել է հատուկ առաջարկ՝ միայն Արտաշատի բնակիչների համար Մայիսի 9-ին Հրապարակում համազգային հանրահավաք է լինելու Հանրահավաքը կմեկնարկի 16։00–ին Արժույթի միջազգային հիմնադրամը բարելավել է ՀՀ ՀՆԱ-ի աճի կանխատեսումը Համաշխարհային բանկը բարելավել է Հայաստանի տնտեսական աճի կանխատեսումը 2024-ին 4․7%-ից մինչև 5․5% |