Առաջին կիսամյակում Հայաստան է այցելել մոտկես միլիոնզբոսաշրջիկ: 2014-ի նույն ժամանակաշրջանի համեմատ, 2015-ին արձանագրվել է չնչին նվազում, ինչը պայմանավորված է առաջին եռամսյակում Հայաստան այցելած զբոսաշրջիկների թվի նվազմամբ, հայտնել է ՀՀ էկոնոմիկայի նախարարության զբոսաշրջության վարչության պետ Մեխակ Ապրեսյանը:
Ազգային վիճակագրական ծառայության տվյալներով, այս տարվա առաջին երեք ամիսների ընթացքում Հայաստան է ժամանել 232.583 զբոսաշրջիկ: 2014-ի նույն ժամանակահատվածի համեմատ հանրապետություն ժամանած զբոսաշրջիկների թիվը նվազել է 4.0%-ով:2014-ի հունվար-դեկտեմբերին Հայաստան էր ժամանել 1 միլիոն 203 հազար 746 զբոսաշրջիկ: 2013-ի համեմատ, ցուցանիշն աճել էր 11.3%-ով:
Վարչության պետը առաջին եռամսյակում զբոսաշրջիկների թվի անկումը կապում է Ռուսաստանից այցելությունների նվազման հետ, ինչն էլ պայմանավորված է ռուսական ռուբլու փոխարժեքի նվազմամբ:
«Ընդհանրապես, այդ ընթացքում, արտագնա զբոսաշրջությունը Ռուսաստանից զգալիորեն նվազել էր: Բացի այդ, առաջին եռամսյակը զբոսաշրջության համար ամենաակտիվ սեզոնը չէ», - նկատել է նա:
Ըստ Ապրեսյանի՝ երրորդ եռամսյակում արդեն տեսանելի է ակտիվություն. Հայաստան են գալիս զբոսաշրջիկներ Ռուսաստանից, Իրանից, եվրոպական երկրներից: