Apple. Նոր սերնդի iPhone-ները մեծ հետաքրքրություն են առաջացրել օգտատերերի շրջանում15 սեպտեմբերի 2015 - 12:43 AMT PanARMENIAN.Net - Apple-ի նոր սերնդի սմարթֆոնները iPhone 6S-ը և iPhone 6s Plus-ը մեծ հետաքրքրություն են առաջացրել օգտատերերի շրջանում ամբողջ աշխարհում: Այդ մասին հայտարարել են ընկերության ներկայացուցիչները` նշելով, որ ամենապահանջվածը iPhone 6s Plus մոդելն է, որի պահանջարկը գերազանցել է բոլոր սպասելիքները: 2014-ին Apple-ը ռեկորդ սահմանեց` առաջին 3 օրում վաճառելով 10 մլն iPhone 6S և iPhone 6s Plus: Սակայն արդեն այս տարի, ինչպես հայտարարում են ընկերությունում, ռեկորդը կարող է գերազանցվել: Գնորդներն արդեն ուշադրություն են դարձրել, որ սմարթֆոնների որոշ մոդելների առաքման ժամանակը երկարել է 2-3 շաբաթով: Apple-ը դեռ տեղեկություններ չի ներկայացրել առաջին 24 ժամում ստացած նախնական պատվերների քանակի մասին: Վերլուծաբանները կարծում են, որ ընկերության երկրպագուները ձևակերպել են iPhone 6S-ի և iPhone 6s Plus-ի մոտ 4,5 մլն նախնական պատվեր: Նախորդ տարի առաջին օրը այդ ցուցանիշը հասավ 4 միլիոնի: Apple ընկերության iPhone 6s և iPhone 6s Plus սմարթֆոնների նախնական պատվերներն ընդունվում են սեպտեմբերի 12-ից: Սմարթֆոնների վաճառքը կմեկնարկի սեպտեմբերի 25-ին: 16, 64 և 128 ԳԲ ներկառուցված հիշողությամբ iPhone 6s-ը հնարավոր կլինի գնել $649, $749 և $849 (համապատասխանաբար մոտ 314.000, 363.000 և 411.000 դրամ ըստ ընթացիկ փոխարժեքի), իսկ iPhone 6s Plus-ը հիշողության նույն ծավալով կհայտնվի շուկայում $749, $849, $949 գնով (համապատասխանաբար մոտ 363.000, 411.000 և 460.000 դրամ ըստ ընթացիկ փոխարժեքի): Մինչև տարեվերջ Apple-ը մտադիր է սմարթֆոնների վաճառք սկսել աշխարհի մոտ 130 երկրում: 11 տոկոսով ավելացած նոր սմարթֆոնների քաշը բացատրվում է ոչ թե կորպուսի այլ նյութով, այլ 3D Touch տեխնոլոգիայով նոր դիսփլեյների առկայությամբ: Այդպես, եթե iPhone 6 էկրանի քաշն ընդամնեը 12 գ է, ապա նրա հետնորդի դիսփլեյը շատ ավելի ծանր է` 29 գ: Դա կապված է սմարթֆոնի դիսփլեյում ճնշումը չափելու համար լրացուցիչ շերտի և ճնշման նոր ծավալային սենսորի առկայությամբ: Նման իրավիճակ է նաև ավելի մեծ iPhone 6s Plus-ի էկրանի դեպքում, որի քաշը հասել է 40 գ` նախորդ 19 գ փոխարեն: Նոր iPhone 6S ու iPhone 6S Plus սմարթֆոնները ներկայացվեցին սեպտեմբերի 9-ին, Սան Ֆրանցիսկոյի Բիլ Գրեհեմի անվան դահլիճում տեղի ունեցած հատուկ միջոցառման ընթացքում։ Apple-ը չի փոփոխել սարքավորումների դիզայնը, և արտաքին տեսքով դրանք անհնար է տարբերել ներկայիս iPhone 6 ու iPhone 6 Plus սմարթֆոններից։ Սակայն երկու գաջեթների կորպուսը պատրաստված է 7000 սերիայի այլումինի համաձուլվածքից, իսկ արդեն սովորական գունային լուծումներին միացել է «վարդագույն ոսկի» գույնը։ 3D Touch տեխնոլոգիան, որը ընկալում է սմարթֆոնի էկրանին հպումները, սեղմումներն ու ուժեղ սեղմումները, դարձավ գլխավոր նորամուծությունը։ Էկրանները պահպանել են նույն անկյունագիծն ու խտությունը, ինչ նախորդ սմարթֆոններում էր։ 3D Touch-ի հնարավորությունները կկիրառվեն բազմաբնույթ հավելվածներում ու խաղերում։ Օրինակ, iMessage մեսենջերում ուժեղ սեղմումը թույլ կտա տեսնել հղման պրեվյուն՝ չբացելով Safari բրաուզերը։ Բացի այս, iPhone 6s-ում իրացվել է Taptic Engine տակտիլ հակառակ կապի համակարգը։ iPhone 6s և iPhone 6s Plus սմարթֆոնների ապարատային միջուկը ներկայացված է նոր՝ Apple A9 64 բիտ չիփսեթով, որը 70%-ով նախորդից ավելի արտադրողական է, իսկ գրաֆիկայի մշակման դեպքում այն նախորդին գերազանցում է 90%-ով։ Իսկ չիփսեթում ինտեգրված M9 համապրոցեսորը ստացել է ընդլայնված հնարավորություններ, այդ թվում՝ Siri թվային օգնականի մշտական ձայնային ակտիվացման։ Սմարթֆոններում, նախորդների համեմատ, տեղադրված է շատ ավելի հզոր հիմնական 12 մեֆապիքսել խտությամբ iSight ֆոտոխցիկ, որը կարողանում է նկարահանել 4K-տեսանյութեր։ Իսկ Live Photos նոր ֆունկցիան ավտոմատ կերպով ձայնագրում է կարճ տեսահոլովակ՝ ֆոտոխցիկի կոճակի սեղմումից առաջ ու հետո։ Ստացված «կենդանի» անիմացված լուսանկարները կարելի է օգտագործել, որպես iPhone-ի ու iPad-ի էկրանային ֆոն։ Սմարթֆոնի դիմային մասում տեղադրված է FaceTime նորացված 5 մեգապիքսել խտությամբ ֆոտոխցիկը՝ Retina Flash ֆունկցիայով, որը սմարթֆոնի էկրանը վերածում է լուսային բռնկման միջոցի։ Ընդ որում՝ էկրանի լուսավորությունը կարող է սովորական լուսավորության համեմատ աճել երեք անգամ։ Սմարթֆոնները ստացել են նաև LTE Cat.6 ցանցերի, Wi-Fi 802.11ac աջակցություն և մատնահետքերի՝ երկու անգամ ավելի արագ Touch ID սքաներ։ iPhone 6s և iPhone 6s Plus սմարթֆոնները նախնական պատվերների համար հասանելի կլինեն 2015թ-ի սեպտեմբերի 12-ին։ Վաճառքները կմեկնարկեն սեպտեմբերի 25-ին։ 16, 64 և 128 ԳԲ ներդրված հիշողությամբ iPhone 6s-ի արժեքը կկազմի, համապատասխանաբար, $649, $749 ու $849 (ժամանակակից փոխարժեքով՝ 314.000, 363.000 և 411.000 դրամ), իսկ նույն հիշողությամբ iPhone 6s Plus-ը շուկայում կհայտնվի $749, $849 և $949 (ժամանակակից փոխարժեքով՝ 363.000, 411.000 և 460․000 դրամ) արժեքով։ Մինչև տարեվերջ Apple-ը նախատեսում է սկսել սմարթֆոնների վաճառքը աշխարհի 130 երկրներում: Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ամենաընթերցվողը բաժնում | ՊՆ․ Զինծառայողների հարազատները ծանրոցներ ուղարկում են բացառապես կամավոր Նշվում է, որ զինծառայողների թիկունքային ապահովման բոլոր աշխատանքները պատշաճ իրականացվում են ԱՄՆ սենատորները կոչ են արել Բայդենին հակազդել մամուլի ազատության դեմ հարձակումներին՝ այդ թվում Ադրբեջանում Նշվում է, որ վերջին ամիսներին Ադրբեջանում 10 լրագրող է կալանավորվել Բելառուսն Արցախում 420 ընտանիքի համար բնակավայր կկառուցի Հայտարարվել է, որ ավանը կկառուցվի Աղդամի շրջանում ՀՀ և Հորդանանի ԱԳՆ-ները մտահոգություն են հայտնել Երուսաղեմի հայկական թաղամասում ստեղծված իրավիճակի վերաբերյալ Կոստանյանը ներկայացրել է «Խաղաղության խաչմերուկ» նախագիծը |