  Սեկուտա. ԼՂՀ հակամարտության կողմերի համար պետք է բանակցելու պայմաններ ստեղծել 18 սեպտեմբերի 2015 - 10:49 AMT PanARMENIAN.Net - Այժմ քայլեր են ձեռնարկվում ղարաբաղյան հակամարտության կարգավորման ուղղությամբ, հայտարարել է Ադրբեջանում ԱՄՆ դեսպան Ռոբերտ Սեկուտան: Նա նշել է, որ ԵԱՀԿ Մինսկի խմբի ամերիկացի համանախագահը մյուս համանախագահների հետ միասին լուրջ աշխատանք է կատարում այդ ուղղությամբ: «ՄԱԿ ԳՎ նստաշրջանի ընթացքում նախատեսվում է Ադրբեջանի և Հայաստանի ԱԳ նախարարների հանդիպումը: Աշխատանքնը շարունակվում է նաև մյուս ուղղություններով: Պարոն Ուորլիքը (ԱՄՆ համանախագահ) հուլիսին այստեղ հանդիպել է պարտադրված վերաբնակների հետ` խոսքը հակամարտության պատճառով տուժած մարդկանց մասին է: Խնդիրը լուծելու համար հարկավոր է քայլեր ձեռնարկել»: Անդրադառնալով նախարարների Նյու Յորքում կայանալիք հանդիպմանը` դեսպանն ասել է, որ ղարաբաղյան հակամարտության կողմերի համար պետք է պայմաններ ստեղծել բանակցությունները շարունակելու համար, հայտնում է ԱՊԱ գործակալությունը: Մինչդեռ, ՌԴ ԱԳՆ պաշտոնական ներկայացուցիչ Մարիա Զախարովան ավանդական ճեպազրույցի ժամանակ անդրադառնալով ղարաբաղյան կարագվորմանը, հայտարարել է. «Ինչպես գիտեք, Ռուսաստանն ակտիվ ներգրավվածություն ունի հակամարտության կարգավորման գործընթացին: Մենք խաղաղ գործընթացի պատասխանատու մասնակիցներն ենք: Ուստի, կանենք անհրաժեշտը մոտեցնելու համար ղարաբաղյան թնջուկի հանգուցալուծումը»: Ավելի վաղ Ադրբեջանի ԱԳՆ ղեկավարը հայտարարեց, որ հանդիպելու է հայ պաշտոնակցի հետ Նյու Յորքում սեպտեմբերի 24-25-ը կայանալիք ՄԱԿ ԳՎ նստաշրջանի ընթացքում: Երևանն, իր հերթին, ոչ հերքեց, ոչ էլ հաստատեց հաղորդագրությունը ՀՀ և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի առաջիկա հանդիպման վերաբերյալ: Photo: trend.az   Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Վերջին լուրեր Կոլումբիան խզում է հարաբերություններն Իսրայելի հետ  Գազայի հատվածի շրջափակումը այդ երկրի նախագահը «ցեղասպանություն» է անվանելՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունըԳԹԿ. Դիմորդները դուրս կմնան մրցույթից, եթե չհայտագրվեն ու չընտրեն բուհ և մասնագիտություն Հունվար-փետրվարին քննություն հանձնած 8000–ից ավելի շրջանավարտներից 6000-ը դեռ հայտագրում չի կատարել |
