Նալբանդյանը՝ CORLEAP-ի խորհրդաժողովում. Ադրբեջանը միշտ մերժում է ցանկացած գործակցություն18 սեպտեմբերի 2015 - 17:14 AMT PanARMENIAN.Net - Հարևան Ադրբեջանը խախտելով հանձնառությունները և հակասելով տարածաշրջանային գործակցության ոգուն, միշտ մերժում է ցանկացած գործակցություն, ներառյալ անդրսահմանային: Այս մասին սեպտեմբերի 18-ին Երևանում կայացած Արևելյան գործընկերության երկրների տարածքային և տեղական իշխանության մարմինների խորհրդաժողովի՝ CORLEAP բյուրոյի հանդիպման ավարտից հետո լրագրողներին ասել է Հայաստանի արտաքին գործերի նախարար Էդվարդ Նալբանդյանը: Արտգործնախարարի խոսքով, միաժամանակ, սահմանի մյուս կողմում շարունակվում է Թուրքիայի կողմից շրջափակումը, որը խոչընդոտում է տարածաշրջանային գործակցությանը: Նալբանդյանը խոսել է նաև դրական փոփոխություն մասին՝ նշելով Վրաստանի և Հայաստանի միջև գործակցությունը տարբեր նախագծերի շրջանում: Նրա խոսքով՝ անդրսահմանային գործակցությունը շատ կարևոր է՝ տարածաշրջանային աշխատանքներին նպաստելու հարցում: Նալբանդյանն ընդգծել է, որ Հայաստանի իշխանությունները փորձում են ընդլայնել տեղական ժողովրդավարությունը՝ հավելելով, որ Եվրոպական շրջանակային համաձայնագիրը կարևոր գործիք է այս առումով: Նախարարը հույս էհայտնել, որ այս քննարկումը կնպաստի տեղական և տարածաշրջանային գործակցությանը, գրում է Panorama.am-ը: Հայաստանն 2015-ի ԵՄ Արևելյան գործընկերության տեղական և տարածաշրջանային իշխանությունների խորհրդաժողովում՝ CՕLEAP, համանախագահող կողմն է: Արևելյան գործընկերության երկրների տարածքային և տեղական իշխանության մարմինների կոնֆերանսը՝ CORLEAP, ստեղծվել է Տարածաշրջանների կոմիտեի կողմից (CoR) 2011-ին՝ ԵՄ-ի Արևելյան գործընկերության երկրներին տարածքային և տեղական հարթություն բերելու նպատակով: CORLEAP-ը համախմբում է 36 տարածքային և տեղական քաղաքական գործչի, որոնցից 18-ը՝ CoR-ից, 18-ը՝ Արևելյան գործընկերության երկրներից՝ Հայաստան, Ադրբեջան, Բելառուս, Վրաստան, Մոլդովա, Ուկրաինա: Բյուրոյի հանդիպման ավարտից հետո Տարածաշրջանների եվրոպական կոմիտեի նախագահ և CORLEAP-ի համանախագահ Մարկկու Մարկկուլան լրագրողներին ասել է, որ Եվրամիությունն ընձեռում է Հայաստանին գործակցության մեծ հնարավորություններ բոլոր այն ոլորտներում, որոնք վերաբերում են քաղաքական, գյուղական, ներառյալ տնտեսական զարգացմանը: «Մեր հիմնական ուղերձն է՝ ունենալ գործողությունների հստակ ծրագիր», - ասել է համանախագահը: Նրա խոսքով, տեղյակ լինելով, որ Հայաստանը բարդություններ ունի էներգետիկ ոլորտում, կարևորում են էներգետիկ արդյունաբերության ապահովման համար տարբեր աղբյուրների ձեռք բերումը: Մարկկուլան նաև նշել է, որ Եվրոպայով մեկ սփռված հայ երիտասարդներին պետք է ինտեգրել այնպիսի աշխատանքների, որոնք կնպատեն Հայաստանի զարգացմանը. «Ինչպես գայթակղել, որպեսզի այդ ուղեղները հետ գան: Պետք է մշակել նորարարական ցանց ու գրավել երիտասարդ թվայնացված սերնդին, ինտեգրել գլոբալ աշխատանքներին»: Ըստ նրա՝ Եվրոպան փորձում է ստեղծել նման ցանց, ներգրավել քիչ զարգացած երկրների երիտասարդներին՝ ցույց տալու, որ իրենց ապագան իրենց հայրենիքում է: Բյուրոյի հանդիպման ժամանակ CORLEAP-ի համանախագահ, Հայաստանի համայնքների միության նախագահ Էմին Երիցյանն իր հերթին նշել է, որ Հայաստանի կառավարությունը կարևորում է Եվրամիության հետ գործընկերությունը և ապակենտրոնացման քաղաքականությունը: Ըստ նրա՝ CORLEAP-ի հիմնական նպատակն է տարածքային և տեղական իշխանություններին և համայնքներին ներգրավել ԵՄ-ի որոշումների կայացման գործընթացին և նրանց տեղեկացնել ԵՄ քաղաքականության մասին. «Տեղական և տարածաշրջանային իշխանությունները կարևոր օղակ են կենտրոնական իշխանությունների հետ շփումներն ապահովելու գործում»: Երիցյանը կարևորել է տեղական իշխանությունների դերը երկրի ընդհանուր զարգացման համատեքստում: Բյուրոյի հանդիպումից հետո կայանալու է Արևելյան գործընկերության երկրներում տեղական ժողովրդավարությանը նվիրված խորհրդաժողով, որի ընթացքում քննարկվելու է տեղական ժողովրդավարության և տեղական ու տարածքային իշխանությունների դերը ԵՄ և Արևելյան գործընկերության զարգացման գործում: CORLEAP-ը համախմբում է 36 տարածքային և տեղական քաղաքական գործիչների, որոնցից 18-ը ՝ CoR-ից, 18-ը՝ Արևելյան գործընկերության երկրներից՝ Հայաստան, Ադրբեջան, Բելառուս, Վրաստան, Մոլդովա, Ուկրաինա: CORLEAP-ը ԵՄ Արևելյան գործընկերության երկրներում տարածքային հարթությունը ներկայացնող համատեղ ժողով է, որը համախմբում է ԵՄ և Արևելյան գործընկերության երկրների տեղական և տարածքային իշխանությունների ներկայացուցիչներին: Խորհրդաժողովը միակ հարթակն է, որը հնարավորություն է ստեղծում քննարկելու քաղաքների և ռեգիոնների դերակատարումը Արևելյան գործընկերության զարգացման համատեքստում: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Ադրբեջանում հայտարարել են, որ Ղազախի շրջանում ականի պայթյունից սահմանապահ է վիրավորվել Նշվում է, որ տարածքը, որտեղ տեղի է ունեցել դեպքը, հարում է այն հատվածին, որը «Հայաստանի հետ շփման գիծ էր» ԱՆ․ Տավուշում գործընթացի վերաբերյալ կեղծ թեզեր են հնչում Դրանցից ամենատարածվածներին նախարարությունն անդրադարձել է իրավական տեսանկյունից Բալայան․ ՀՀ-ԵՄ հարաբերությունները հիմնված են հայկական ազգային շահերի վրա Նա հավելել է, որ դա սպառնալիք չէ Մոսկվայի համար Կիրանցի ղեկավարը՝ Փաշինյանի հետ Երևանում հանդիպելու առաջարկի մասին. Դեռ չենք որոշել Վարչապետի աշխատակազմից ասել են, որ տեղեկություն չունեն |