  ՔԱԿ զինյալների հարձակում Թուրքիայում. 2 զինվորական սպանվել է, 9-ը` վիրավորվել 25 սեպտեմբերի 2015 - 14:32 AMT PanARMENIAN.Net - 2 թուրք զինծառայող է սպանվել և 9 վիրավորվել է Թուրքիայում արգելված Քրդստանի աշխատավորական կուսակցության (ՔԱԿ) գրոհայինների հարձակումների հետևանքով երկրի հարավարևելյան Շիրնակ գավառում: Այս մասին ասվում է Թուրքիայի գլխավոր շտաբի տարածած հաղորդագրության մեջ: «Անջատողական ՔԱԿ կազմակերպության ահաբեկիչները 2 զինված հարձակում են գործել մեր զինակից եղբայրների վրա Շիրնակ գավառում: 2 զինվորական զոհվել է, 9-ը` վիրավորվել: Անվտանգության ուժերը պատասխան կրակ են բացել, գրոհել են անօդաչու սարքերով և ուղղաթիռներով: 34 գրոհային վնասազերծվել է: Գործողությունը շարունակվում է»,-ասվում է հաղորդագրության մեջ, հայտնում է ՌԻԱ Նովոստի գործակալությունը: ՔԱԿ և Թուրքիայի միջև հարաբերությունները կտրուկ սրվեցին Սուրուչ քաղաքում հուլիսի 20-ի ահաբեկչությունից հետո, երբ 32 մարդ զոհվեց, հիմնականում քրդեր: ՔԱԿ զինյալները մեղադրեցին Թուրքիայի իշխանություններին իսլամիստներին աջակցելու մեջ: ՔԱԿ-ը հայտարարեց զինված պայքարի վերսկսման մասին, քանի որ թուրք իրավապահները խախտել են հրադադարի մասին պայմանավորվածությունը: ՔԱԿ գրոհայինները գրեթե ամեն օր հարձակումներ են գործում տարբեր օբյեկտների վրա Թուրքիայում: ՔԱԿ-ն անկախության համար պայքար է մղում ժամանակակից Թուրքիայի արևելքում 80-ականներից ի վեր: Պատերազմի ընթացքում ավելի քան 40 հազար մարդ է զոհվել, թուրքական տնտեսությանը 1984 թ. ի վեր հասցված վնասը գնահատվում է 1 տրլն դոլար: Մինչդեռ Անկարայում բարձրաստիճան աղբյուրի վրա հղումով Reuters-ը հայտնել է, որ Թուրքիան պատրաստ է առանցքային դերակատարություն ստանձնել «Իսլամական պետության» (ԻՊ) դեմ պայքարում, սակայն փոխարենն ակնկալում է քուրդ ապստամբների դեմ դիմակայության ըմբռնում: «Թուրքիան կկիսի իր փորձը արևմտյան առաջնորդների հետ` աջակցություն ակնկալելով, որպեսզի կարողանա դիմակայել Մերձավոր Արևելքն ահաբեկչություն արտահանող տարածաշրջանի վերածմանը»,-ասել է գործակալության զրուցակիցը:   Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   Ամենաընթերցվողը բաժնում |  Վերջին լուրեր Վարչապետն օտարերկրյա պետություններում Սփյուռքի գործերի հանձնակատարներ է նշանակել  Նրանք կունենան հասարակական հիմունքներով խորհրդականի կարգավիճակովՊՆ–ում քննարկվել են ՀՀ-Ֆրանսիա, նաև ԵՄ հետ գործակցությանն առնչվող հարցեր Պապիկյանն ընդունել է Ֆրանսիայի Սենատի պաշտպանության և զինված ուժերի ու եվրոպական գործերի հանձնաժողովների անդամինՈսկեպար-Կիրանց ճանապարհը փակ է, Փաշինյանի հետ հանդիպումից հետո իրավիճակը չի փոխվել Նրանք ասել են, որ մտադիր չեն ճանապարհը բացել, քանի դեռ սահմանազատման իրենց պահանջները չեն կատարվել |
