«Ինտեր ՌԱՕ»-ն հայտնել է ՀԷՑ-ն ու Հրազդանի ՋԷԿ-ը «Տաշիր»-ին վաճառելու մասին30 սեպտեմբերի 2015 - 17:48 AMT PanARMENIAN.Net - «Տաշիր» ընկերությունների խումբը և «Ինտեր ՌԱՕ» ԲԸ-ն պայմանագիր են կնքել Հայաստանի էլեկտրաէներգետիկ ակտիվների առուվաճառքի մասին: Գործարքը կավարտվի Հայաստանի կառավարության կողմից հավանության արժանանալուց և Հանրային ծառայությունների կարգավորման հանձնաժողովի որոշումից հետո: «Վեդոմոստին» Ինտերֆաքսի վրա հղումով հայտնում է, որ ըստ «Ինտեր ՌԱՕ»-ի մամուլի հաղորդագրության, գործարքն առնչվում է «Հայաստանի Էլեկտրական ցանցեր» ՓԲԸ-ին և «Հրազդանի ՋԷԿ» ԲԲԸ-ին: Ակտիվները կշարունակեն ամբողջ ծավալով կատարել նախկինում ստանձնած պարտավորությունները: Սակայն հայտարարությունից գրեթե անմիջապես հետո «Ինտեր ՌԱՕ»-ն խնդրել է Ինտերֆաքս գործակալությանը, որը տարածել էր հաղորդագրությունը, չեղարկել այն, քանի որ «մամուլի հաղորդագրությունը սխալմամբ էր տեղադրվել իր կայքում»: Ուշադրության է արժանի այն փաստը, որ ընկերությունը չի հերքել վաճառքի առկայությունը, այլ միայն հայտարարել է, որ մտադիր չէր հրապարակել գործարքը: Սեպտեմբերի սկզբին հաղորդագրություն հայտնվեց, որ Հայաստանի էլցանցերն վաճառվում են կիպրոսյան Liormand Holding Limited ընկերությանը: «Կոմերսանտը» նախկինում հայտնել էր, որ ըստ Կիպրսոի ռեեստրի, Liormand-ի ընկերությունների շղթան բերում է Marcuard Trust Ltd-ին, որը Marcuard Heritage-ի կազմում է: Ընկերության գլխավոր տնօրենն ու համասեփականատերը Սինան Բոդմերն է` «Տաշիր» խմբի Ֆորա բանկի տնօրենների խորհրդի անդամը: Marcuard Heritage-ի մյուս համասեփականատերը Հանս Յորգ Ռուդլոֆն է, որը 7 տարի եղել է «Ռոսնեֆտի» տնօրենների խորհրդի անդամ: «Ռոսնեֆտի» նախագահ Իգոր Սեչինը նաև ՀԷՑ-ի նախկին սեփականատեր «Ինտեր ՌԱՕ»-ի տնօրենների խորհրդի նախագահն է: «Ինտեր ՌԱՕ Հոլդինգ Բի.Վի.» ընկերությունը դիմել է Հայաստանի Հանրապետության կառավարությանը՝ սեփականության իրավունքով իրեն պատկանող «Հայաստանի էլեկտրական ցանցեր» փակ բաժնետիրական ընկերության 100 տոկոս բաժնետոմսերը «Լիորմանդ Հոլդինգզ Լիմիթեդ» ընկերությանը օտարելու մտադրության մասին, ինչ էլ սեպտեմբերի 17-ի նիստին հավանության է արժանացել ՀՀ կառավարության կողմից: Ընկերության վաճառքի մասին հաղորդագրությունը հաջորդեց էլէներգիայի սակագինը բարձրացնելու վերաբերյալ ՀԾԿՀ որոշման հիմնավորված լինելու մասին ՀՀ կառավարության հրավիրած խորհրդատվական ծառայության հայտարարությանը: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |