Կառավարությունը հաստատել է 2016-ի պետբյուջեի նախագիծը. ՀՆԱ-ի աճը՝ 2.2%, գնաճը՝ 4%

1 հոկտեմբերի 2015 - 14:13 AMT

PanARMENIAN.Net - ՀՀ կառավարությունը հոկտեմբերի 1-ի նիստում հաստատել է 2016-ի պետական բյուջեի նախագիծը։ Նիստին ՀՀ ֆինանսների նախարար Գագիկ Խաչատրյանը ներկայացրել է 2016-ի բյուջեի մակրոտնտեսական կանխատեսումները։

Համաձայն նախագծի՝ ՀՆԱ-ի իրական աճը կկազմի 2.2%, ՀՆԱ-ի դեֆլյատորի մեծությունը՝ 4%, 12–ամսյա գնաճի թիրախը 4%` +/-1.5%, դեֆիցիտը՝ 3.5%։

«Ծախսերի ընդհանուր գումարը նախատեսված է 1 տրլն 373 մլն դրամ (1,373,746,924.1 դրամ), եկամուտների ընդհանուր գումարը՝ 1 տրլն 183 մլրդ դրամ (1,183,003,998 դրամ), իսկ դեֆիցիտը՝ 197 մլրդ դրամ (190,742,926 դրամ)», - հյատնել է նախարարը, գրում է Tert.am-ը:

Ծախսերի ծավալի 96%-ը բաժին է ընկնում ընթացիկ ծախսերին։ 2016-ի բյուջեի ծախսային մասը 2015-ի պետական բյուջեի համեմատ ավելացել է մոտ 68 մլրդ դրամով:

Բյուջեի հարկային եկամուտները և պետական տուրքերը ծրագրվել են 1 տրլն 129 մլրդ դրամ:

ՀՀ 2015-ի բյուջեի նախագծով նախատեսվում է 4,1 տոկոս տնտեսական աճ:

Նախագծի համաձայն՝ համախմբված բյուջեն կկազմի եկամուտների գծով՝ 1,201.3 մլրդ դրամ, ծախսերի գծով 1,337.9 մլրդ դրամ, պակասուրդը՝ 116.6 մլրդ դրամ: Կառավարությունը 2014-ի նոյեմբերի 27-ին հավանություն է տվել 2015-ի պետական բյուջեի փոփոխված նախագծին, ըստ որի՝ 13,5 միլիարդ դրամի ծախսային ծրագրեր են ավելացել՝ մասնավորապես կուտակային համակարգի ներդրման ծախսերն ավելացել են 5 մլրդ դրամով, Հյուսիս-Հարավ ավտոմայրուղու կառուցման համաֆինանսավորման համար՝ 3 մլրդ դրամ, Հայոց ցեղասպանության 100-ամյակի միջոցառումների համար՝ 2 մլրդ դրամ, Քննչական կոմիտեի համար՝ 1,2 մլրդ դրամ, սահմանամերձ գյուղերի համար՝ 900 մլն դրամ:

Հղումներ թեմայով.

Կառավարությունը հաստատեց 2016թ-ի պետական բյուջեի նախագիծը. ՀՆԱ-ի իրական աճը կկազմի 2.2%. Tert.am

АРКА: Утвержден проект госбюджета Армении на 2016 год – ВВП предусмотрен в 2,2%, инфляция в 4% (±1,5%)

ARKA. Armenian government approves 2016 draft budget

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով