Ռուսական ավիացիան ոչնչացրել է ԻՊ շտաբը և զինամթերքի պահեստը Սիրիայում 1 հոկտեմբերի 2015 - 16:18 AMT PanARMENIAN.Net - ՌԴ ՌՕ ուժերը ութ մարտական թռիչք են կատարել հոկտեմբերի լույս 1-ի գիշերը: Ռուսական ավիացիան ոչնչացրել է ահաբեկիչների կենտրոնակայանն ու զինամթերքի պահեստը սիրիական Իդլիբից ոչ հեռու` հարվածներ հասցնելով «Իսլամական պետության» օբյեկտներին, հայտնել է ՌԴ ՊՆ մամուլի ծառայության և տեղեկատվության վարչությունը: «Ոչնչացվել են ահաբեկչական կազմավորումներն ու զինամթերքի պահեստը Իդլիբի շրջանում, ինչպես նաև գրոհայինների հրամանատարական կետը, որը երեք մակարդակ ուներ Համա բնակավայրի շրջանում»,-ասվում է հաղորդագրության մեջ, հայտնում է ՌԻԱ Նովոստին: Սեպտեմբերի 30-ին ՌԴ Դաշնության խորհուրդը հավանություն տվեց Սիրիայում ՌԴ ԶՈւ կիրառման մասին Վլադիմիր Պուտինի դիմումին, որից հետո ՌԴ օդուժը գործողություն սկսեց` կետային հարվածներ հասցնելով ԻՊ ահաբեկիչների դիրքերին Սիրիայում: Ռուսաստանը գործի է դնելու միայն ավիացիան` բացառելով ցամաքային գործողության հնարավորությունը և գործում է Սիրիայի նախագահ Բաշար Ասադի խնդրանքով: «Ցանկանում եմ տեղեկացնել, որ Սիրիայի նախագահ Բաշար Ասադը դիմել է մեր երկրի ղեկավարությանը` խնդրելով ռազմական օգնություն ցուցաբերել: Այսպիսով, հարկ է արձանագրել, որ, անշուշտ, պետք է պայքարել ահաբեկչության դեմ, սակայն պահպանելով միջազգային իրավունքի նորմերը»,-ասել է լրագրողներին ՌԴ նախագահի աշխատակազմի ղեկավար Սերգեյ Իվանովը: Ավելի վաղ հայտնի դարձավ, որ ԱՄՆ-ն հրաժարվել է Սիրիայի նախագահ Բաշար Ասադի անհապաղ հրաժարականի պահանջից: Նման հայտարարություն արեց ԱՄՆ պետաքարտուղար Ջոն Քերին: Սիրիայի ԱԳՆ ղեկավար Վալիդ Մուալեմն, անդրադառնալով այս հարցին, հայտարարել է, որ Դամասկոսը մտահոգություններ չունի Սիրիայում ՌԴ գործողությունների հարցում: Նա հավելել է, որ քննարկել է ՌԴ ԱԳ նախարար Սերգեյ Լավրովի հետ ռուսական օդուժի ավիահարվածները ԻՊ դիրքերին Սիրիայում: «Այո, մենք քննարկել ենք այդ հարցը»,-ասել է նա և հավելել, որ գործողությունը դեռ նոր է սկսվել «և վաղ է ինչ-որ բանի մասին խոսել»: «Ռուսաստանի բոլոր գործողությունները համաձայնեցված են սիրիական կողմի հետ»,-ասել է նախարարը: Մինչդեռ Սաուդյան Արաբիան կոչ է արել Մոսկվային դադարեցնել ռազմական գործողությունները Սիրիայում: Ըստ ՄԱԿ-ում Սաուդյան Արաբիայի մշտական ներկայացուցիչ Աբդալլա ալ Մուալլիմի, այն վայրերում, ուր հասցվել են առաջին ավիահարվածները, ԻՊ գրոհայիններ չկան: ԻՊ ահաբեկչական խմբավորումը «խալիֆատ» հռչակեց Սիրիայի ու Իրաքի գրավյալ տարածքներում 2014-ի ամռանը: ԱՄՆ-ն մի շարք դաշնակից երկրների հետ սեպտեմբերի 23-ին ավիահարվածներ սկսեց հասցնել ԻՊ դիրքերին Սիրիայում, իսկ Իրաքում նման գործողություններն արդեն օգոստոսից էին սկսվել: Ընդ որում ԱՄՆ ավիահարվածներ է հասցնում առանց Սիրիայի իշխանությունների համաձայնության: Վաշինգտոնը սատարում է Սիրիայի զինված ընդդիմությանը, որը կռվում է ինչպես կառավարության, այնպես էլ ԻՊ գրոհայինների դեմ: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |