Մոտ 430.000 եզդի ԻՊ պատճառով փախստական է դարձել 9 հոկտեմբերի 2015 - 17:42 AMT PanARMENIAN.Net - 2014-ի օգոստոսից ի վեր Իրաքում և Սիրիայում «Իսալամական պետության» գրոհայինների կտրուկ ակտիվացման հետևանքով փախստական է դարձել մոտ 430.000եզդի: Ըստ Rudaw գործակալության, այդ մասին ասվում է Իրաքյան Քրդստանի Անֆալի զոհերի (քրդերի ոչնչացում Սադդամ Հուսեյնի զորքերի կողմից) նախարարության զեկույցում: Եզդի փախստականների կեսից ավելին ապաստան է գտել Քրդստանի ճամբարներում: Եզդիների շրջանում զոհերի թիվը հասնում է 1800-ի, ավելի քան 5000 եզդի կանայք ու երեխաներ ստրկության են վաճառվել: Զեկույցում ասվում է, որ Կոժո գյուղում հայտնաբերվել է սպանված 400 եզդիների եղբայրական գերեզման: ԻՊ-ն նաև քանդել է եզդիների 14 սրբավայր, որոնք հազարամյակների պատմություն ունեին: Նշվում է նաև, որ 2014-ի օգոստոսին եզիդների Սինջար քաղաքի վրա հարձակման ժամանակ բնակիչների 75%-ը հեռացել է լեռներն ու պաշտպանվել այնտեղ մի քանի շաբաթ, դա մեծ հումանիտար աղետ է դարձել: ՄԱԿ Մարդու իրավունքների գերագույն հանձնակատարի վարչության մարտին հրապարակված զեկույցում ասվում էր, որ ԻՊ գրոհայինները ցեղասպանություն են գործում եզդիների հանդեպ: Զեկույցում վկայություններ են բերված խոշտանգումների, սպանությունների, առևանգումների, բռնի դավանափոխության, զինյալների ջոկատներին երեխաների անդամագրման և սեքսուալ ստրկացման մասին: Զեկույցում ասվում է, որ իսլամիստների վերաբերմունքը եզիդների հանդեպ ընկալվում է որպես այդ հնագույն համայնքը վերացնելու ցանկություն: 2014-ի ամռան սկզբին «Իսլամական պետության» զինյալները գրավեցին մի շարք բնակավայրեր Սիրիայի արևելքում և սկսեցին առաջանալ դեպի Իրաքի սահմանները: Հուլիսի վերջում նրանք հայտարարեցին Իրաքի ու Սիրիայի տարածքում խալիֆայության ստեղծման մասին: Գրոհայինները զանգվածային մահապատիժներ են իրականացնում Իրաքի բանակի զինծառայողների ու բնակիչների շրջանում գրավյալ տարածքներում: Մարտական գործողություններն ուղեկցվում են զանգվածային բնաջնջմամբ: Ըստ արևմտյան երկրների ԶԼՄ-ների, հակամարտության գոտում արդեն մոտ 10 հազար քրիստոնյա ու եզդի է սպանվել: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Օսկանյան. Արցախի հարցը փակված չէ Նա նշել է, որ Հայաստանն այսքան խոցելի է դարձել հիմնականում այն պատճառով, որ մենք կորցրել ենք Արցախը Ծիծեռնակաբերդում Աննա Հակոբյանին առնչվող միջադեպով 1 անձի մեղադրանք է առաջադրվել Մյուսներն արգելանքից ազատ են արձակվել, քրեական հետապնդում չի հարուցվել Նարեկ Մանասյանը՝ բռնցքամարտի ԵԱ արծաթե մեդալակիր Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը Քոչարյանից պահանջում են բռնագանձել 25 անշարժ գույք, 5 տրանսպորտային միջոց, արժեթղթեր Պահանջն առնչվում է նրա հետ փոխկապակցված 7 անձի |