Ադրբեջանի վճարային բալանսի հավելուրդը 2015-ի ավարտին կկրճատվի 5 անգամ13 հոկտեմբերի 2015 - 17:01 AMT PanARMENIAN.Net - Ակնկալվում է, որ 2015-ի ավարտին Ադրբեջանի վճարային բալանսի հավելուրդը կկազմի $2 մլրդ: Այդ մասին, ինչպես հայտնում է «Ինտերֆաքս» գործակալությունը, հայտարարել է Ադրբեջանի ԿԲ վարչության նախագահ Էլման Ռուստամովը 2016-ի պետբյուջեի նախագծի քննարկման ժամանակ: «2014-ին հավելուրդը նվազել էր մինչև $10 մլրդ, 2015-ի ավարտին ակնկալվում է $2 մլրդ»,-ասել է Ռուստամովը: Բացի այդ, 2016-ին կկրճատվեն նաև նավթային պետական SOCAR ընկերության հարկային վճարումները պետբյուջե: Ծրագրվում է փոխանցել 1.290 մլն մանաթ` $1,240 մլրդ, ինչը 14% պակաս է 2015-ի համար արված կանխատեսումից, հայտարարել է քննարկման ժամանակ ֆինանսների նախարար Սամիր Շարիֆովը: 2016-ին Ադրբեջանում գործող նավթագազային ընկերությունների շահութահարկից փոխանցումները բյուջե նախատեսված են 500 մլն մանաթի չափով` $480 մլն: Դա 300 մլն մանաթով` մոտ $280 մլն, կամ 37,5%-ով պակաս է 2015-ի կանխատեսված ցուցանիշից: Ավելի վաղ հաղորդվել է, որ 2015-ի հունիսին Ադրբեջանի Պետական նավթային ընկերությունը (SOCAR) պետբյուջե է փոխանցել 123,688 մլն մանաթ (մոտ $118 մլն): Այս մասին հայտնում է 1news.az-ը սեփական աղբյուրների վրա հղումով: Ընդ որում, 2014-ի հունիսի համեմատ ընկերության փոխանցումների ծավալը նվազել է 15%-ով: Ընդհանուր առմամբ 2015-ի առաջին քառորդում SOCAR-ի փոխանցումները բյուջե կազմել են 728,730 մլն մանաթ (մոտ $700 մլն): Փոխանցումները պետբյուջե 2014-ի նույն ժամանակահատվածի համեմատ նվազել են 239,579 մլն մանաթով: Նախորդ տարվա առաջին կիսամյակում SOCAR-ը բյուջե էր փոխանցել 968,309 մլն մանաթ: Ադրբեջանի տնտեսությունն արդեն մի քանի ամիս է դժվարություններ է կրում նավթի գնի նվազման պատճառով: Ածխաջրածինների վաճառքից եկամուտների անկմանը զուգահեռ նվազում են նաև երկրի արժույթի պաշարները` այդպես, տարեսկզբից Ադրբեջանի ռեզերվները նվազել են մինչև $8.5 մլրդ` կես տարում ծախսվել է $5.2 կամ 38%, իսկ տարեկան կտրվածքով` ավելի քան $6.6 մլրդ կամ պաշարների 43.8%-ը: Ընթերցեք նաև` Արտահանումն Ադրբեջանից նվազել է 43%-ով Ադրբեջանի բյուջե նավթից ստացվող եկամուտները կես տարում նվազել են 1/4-ով Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Օհանյան․ Անհապաղ պետք է բեկում մտցնել սահմանազատման այս գործընթացի մեջ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Կոնգրեսում կոչ են արել $200 մլն հատկացնել ԼՂ-ից տեղահանվածներին և օգնել ՀՀ–ին պաշտպանվել Ադրբեջանի ագրեսիայից Նրանք նաև կոչ են արել դադարեցնել Ադրբեջանին ցանկացած ռազմական օգնության Ոստիկանները փակել են Կիրանցի ճանապարհը․ Բագրատ Սրբազանին նույնպես թույլ չեն տալիս մտնել գյուղ Սրբազանն, անդրադառնալով վարչապետի հարցազրույցին, ասել է, թե վերջինս «ծայրից ծայր սուտ է ասում» ՆԳՆ-ն հերքում է լուրերը, թե Տավուշից բերման ենթարկվածներին ծեծել են Նշվում է, որ տեղեկությունը չի համապատասխանում իրականությանը |