Հաստատել է, որ Անկարայի պայթյունի գործով կասկածյալ Մամեդովան Ադրբեջանի քաղաքացի է (թարմացված)17 հոկտեմբերի 2015 - 11:52 AMT PanARMENIAN.Net - Հոկտեմբերի 10-ին Անկարայում տեղի ունեցած պայթյունների հետաքննության շրջանակում հետախուզվողների թվում նաև ադրբեջանուհի Ուլկեր Մամեդովան է, հայտնում են թուրքական ԶԼՄ-ները: Հոկտեմբերի 10-ին Անկարայում տեղի ունեցած 2 պայթյունի հետևանքովզոհվածների թիվը հասել է 102-ի: 246 մարդ վիրավորվել է: Դա տեղի է ունեցել երկաթուղային կայարանի շրջանում, որտեղ անցնում էր արհմիությունների կազմակերպած «Աշխատանք, խաղաղություն, ժողովրդավարություն» կարգախոսով հակապատերազմական հանրահավաքը:Ավելի ուշ հայտնի դարձավ, որ իշխանությունները պայթյունները որակել են որպես ահաբեկչություն: Ստամբուլում Ադրբեջանի գլխավոր հյուպատոս Հասան Զեյնալովն իր հերթին հայտարարել է, որ թուրքական կառավարությունն ոչ մի անգամ չի դիմել Բաքվին Ադրբեջանի քաղաքացիների կամ ադրբեջանական ազգությամբ անձանց վերաբերյալ հարցումով` Թուրքիայում ահաբեկչական գործողությունների առնչությամբ: Ըստ Զեյնալովի, հյուպատոսության աշխատակիցներից մեկը թուրքական կողմի հետ միասին ստուգում է Մամեդովայի առնչությունն Ադրբեջանի հետ: «Մենք արդեն հարցում ենք ներկայացրել համապատասխան մարմիններին և պատասխանի ենք սպասում: Մեր հյուպատոսությունն աշխատում է իրավապահ մարմինների հետ համատեղ տարածաշրջանում ահաբեկչական գործողությունների հետաքննության շրջանակում»,-հայտարարել է Զեյնալովը, հայտնում է Contact.az-ը: Ավելի ուշ Զեյնալովը պաշտոնապես հաստատել է, որ Անկարայի պայթյունի գործով կասկածյալ Ուլկեր Մամեդովան Ադրբեջանի քաղաքացի է: «Մամեդովան Ադրբեջանի քաղաքացի է, որը երկար տարիներ ապրել է Թուրքիայում: Մեր հետաքննությունը շարունակվում է»,-ասել է նա: Ավելի վաղ հայտնի դարձավ, որ ահաբեկչությունները, ենթադրաբար, 2 մահապատ ահաբեկիչ է կազմակերպել: Իշխանությունները որպես մեղսակից կասկածում են «Իսլամական պետությանը», ՔԱԿ-ին և 2 ձախակողմյան ծայրահեղական խմբավորումների: Հոկտեմբերի 15-ին հայտնի դարձավ, որ Անկարայի դատարանն արգելել է տեղեկություններ հրապարակել հոկտեմբերի 10-ին Անկարայում տեղի ունեցած ահաբեկչության մասին: Որպես հիմնական պատճառաբանություն նշվում է, որ մեդիայի հրապարակումներում կասկածյալների, նրանց գտնվելու վայրի, օգտագործած մեքենաների մասին տեղեկությունների հրապարակումները կարող են խոչընդոտել կասկածյալներին բռնելու գործընթացն ու վտանգել հանրության կյանքն ու ազգային անվտանգությունը: Մինչդեռ Գերմանիայի Կանաչների կուսակցության համանախագահ, ազգությամբ թուրք Ջեմ Օզդեմիրն Անկարայում տեղի ունեցած պայթյունները վերագրել է իշխանություններին: Թուրքական «Taraf» պարբերականի կայքի տեղեկացմամբ՝ Օզդեմիրը նշել է, որ պայթյունները կազմակերպվել են իշխանության կողմից՝ նոյեմբերի 1-ի ընտրությունների նորմալ ընթացքը խանգարելու և ընտրությունների նախաշեմին երկրում քաոս առաջացնելու նպատակով: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը |