Նորաձևության և ոճի բնագավառի հեղինակավոր հանդեսներից մեկի` Vogue-ի ռուսական տարբերակի խմբագրությունը Victoria's Secret ընկերության «հրեշտակ» Ստելա Մաքսվելի հետ արշավ է կազմակերպել Հայաստանում:
Vogue Russia-ի թիմը 3 օրվա ընթացքում հազարավոր լուսանկարներ է արել:
Խմբագրությունը դիմել է ամերիկահայ լուսանկարիչ Դևիդ Մուշեղյանին` էթնիկ հագուստներով օրիգինալ ֆոտոշարք անցկացնելու առաջարկով։ Հենց Մուշեղյանն էլ խորհուրդ է տվել մեկնել Հայաստան ու այնտեղ ֆոտոշարք անել։ Իսկ դրա գլխավոր հերոսուհին Ստելա Մաքսվելն է, ով աշխարհի լավագույն մոդելներից է։
Մոդելը՝ Վերնիսաժում
Նշվում է, որ էթնո ոճով ֆոտոշարքն արվել է Երևանի վերնիսաժում, Գառնիում և Գյումրիում, ինչպես նաև նկարչուհի Լուսիկ Ագուլեցու տանը։
Ստելան ու Ջիվան Գասպարյանը
Որպես ժամանակակից Հայաստանի «հերոս»՝ ամսագիրը ներկայացնում է դուդուկի վարպետ Ջիվան Գասպարյանին, ով մոդելի հետ նկարահանվել է ֆոտոշարքում։
Ձախից՝ Ստելան՝ Լուսիկ Ագուլեցու հետ, աջից՝ մոդելը՝ Գառնիում
Հոդվածի վերջում նշվում է, որ օդանավակայանի ճանապարհին Մաքսվելը խնդրել է կանգնել, ու մի փունջ հայկական դաշտային կակաչներ է քաղել ու տարել հետը։ Նա նշել է, որ կարմիր գույնը Հայաստանում կանացիության խորհրդանիշ է:
