ԵՄ առաջնորդներն արտահերթ կհանդիպեն փախստականների հարցով21 հոկտեմբերի 2015 - 16:38 AMT PanARMENIAN.Net - Եվրահանձնաժողովի ղեկավար Ժան Կլոդ Յունկերը Եվրամիության անդամ երկրների ղեկավարների արտահերթ հանդիպում է հրավիրել հոկտեմբերի 25-ին: Այդ մասին հայտնել է ԵՀ մամուլի ծառայությունը: «ԵՄ առաջնորդներից ոմանց հետ խոսակցությունից հետո Եվրահանձնաժողովի նախագահը որոշում է կայացրել հոկտեմբերի 25-ին անդամ երկրների ղեկավարների արտահերթ հանդիպում հրավիրելու մասին, որի ընթացքում կքննարկվի փախստականների հարցը և նրանց հոսքը Եվրոպա արևմտյան Բալկանների երթուղիով»,-ասվում է ԵՀ հայտարարության մեջ, հայտնում է ՏԱՍՍ-ը: Ինչպես ասվում է ԵՀ կոմյունիկեում, միջոցառմանը կմասնակցեն ԵՄ անդամ երկրների առաջնորդներ, ինչպես նաև այն բալկանյան երկրների ղեկավարները, որոնց տարածքով փախստականներն անցնում են ԵՄ: Արդեն հայտնի է, որ Գերմանիայի կանցլեր Անգելա Մերկելը կմասնակցի հանդիպմանը: Այդ մասին հայտարարել է Գերմանիայի կառավարության պաշտոնական ներկայացուցիչ Շտեֆեն Զայբերտը: «Հոկտեմբերի 25-ին կանցլերը կմասնակցի Բրյուսելում կայանալիք ոչ պաշտոնական հանդիպմանը»,-ասել է Զայբերտը Բերլինում: Գերմանական ԶԼՄ-ներն իրենց հերթին գրում են, որ Յունկերը հանդիպումը հրավիրել է Մերկելի նախաձեռնությամբ, հայտնում է ՌԻԱ Նովոստին: Հանդիպմանը կմասնակցեն Ավստրիայի, Բուլղարիայի, Խորվաթիայի, Մակեդոնիայի, Գերմանիայի, Հունաստանի, Հունգարիայի, Ռումինիայի, Սերբիայի և Սլովենիայի ղեկավարները: Հրավիրված է նաև Եվրախորհրդի նախագահ Դոնալդ Տուսկը, ԵՄ-ում նախագահող Լյուքսեմբուրգը և փախստականների գծով ՄԱԿ գերագույն հանձնակատարը: ՄԱԿ տվյալներով, միայն 2015 թվականին ավելի քան 300 հազար փախստական է ժամանել Եվրոպա՝ պատերազմից և սովից փրկվելու նպատակով։ Նախորդ տարվա նույն ժամանակահատվածում նրանց քանակը մոտ 123,5 հազար էր, իսկ ամբողջ 2014-ին եղել է 280 հազար: Առաջին անգամ վերջին ամիսների ընթացքում հուլիսին ԵՄ ժամանած միգրանտների քանակը հատեց 100 հազարի սահմանն ու կազմեց 107,5 հազար:Նրանցից 2 հազար 500-ը մահացել է Եվրոպա հասնելու ճանապարհին: Միգրացիոն ճգնաժամը Եվրոպայում ամենամեծն է Երկրորդ համաշխարհայինի տարիներից հետո: ԵՄ երկրների ներքին և արտաքին գործերի նախարարները մտադիր են հանդիպել Փարիզում հոկտեմբերին` քննարկելու համար ապօրինի ներգաղթյալների աննախադեպ հոսքը Եվրոպա: Ավելի ուշ հայտնի դարձավ, որ արտահաերթ խորհրդակցությունը տեղի կունենա սեպտեմբերի 14-ին Բրյուսելում: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |