Հենրիխ Մխիթարյանը չի մեկնել Բաքու՝ «Գաբալայի» հետ խաղին21 հոկտեմբերի 2015 - 14:07 AMT PanARMENIAN.Net - Դորտմունդի «Բորուսիան» Եվրոպա լիգայի խմբային փուլի 3-րդ տուրի շրջանակում «Գաբալայի» հետ մրցելու համար մեկնել է Բաքու: Թիմի հետ չի մեկնել կիսապաշտպան Հենրիխ Մխիթարյանը, գրում է Armsport-ը: Օդանավակայանում գերմանական ակումբի գործադիր տնօրեն Հանս Յուահիմ Վատցկեն լրագրողներին ասել է. «Մենք զրուցել ենք Մխիթարյանի հետ և եկել ենք այն եզրակացության, որ բոլորի համար ավելի լավ կլինի, եթե նա բաց թողնի առաջիկա խաղը»: «Բորուսիան» և «Գաբալան» ընդգրկվել են Եվրոպայի լիգայի խմբային փուլի C խմբում: Հոկտեմբերի 22-ին տեղի է ունենալու «Գաբալա» - «Բորուսիա» հանդիպումը: Վատցկեն հոկտեմբերի 19-ին նաև ասել է, որ եթե որևէ մեկը նախկինում այցելել է Լեռնային Ղարաբաղ, ապա, ադրբեջանական կողմը, ըստ երևույթին, ընկալում է դա որպես հատուկ սադրանք: «Մենք ուսումնասիրել ենք իրավիճակը: Հայաստանն և Ադրբեջանը կոնֆլիկտ ունեն, իսկ մենք պետք է հոգ տանենք մեր խաղացողների մասին», - նշել է նա: Ադրբեջանական «Գաբալայի» կիսապաշտպան Սամիր Զարգարովը հոկտեմբերի 20-ին հայտարարել է, որ պետք է չթողեն Մխիթարյանին աչքի ընկնել Բաքվում. «Թիմի բոլոր ֆուտբոլիստները՝ և՛ տեղացիները, և՛ լեգեոներները, պետք է այնպես անեն, որ Մխիթարյանը գոլ չխփի։ Մենք չպետք է թույլ տանք նրան աչքի ընկնել Բաքվում», - ասել էր նա: Դեռ սեպտեմբերին Ադրբեջանի և միջազգային մամուլում 3 օր շարունակ քննարկվում էր Դորտմունդի «Բորուսիայի» և Հայաստանի ֆուտբոլի հավաքականի կիսապաշտպան Հենրիխ Մխիթարյանի մասնակցության հարցը Ադրբեջանում կայանալիք Եվրոպայի լիգայի խաղին տեղի «Գաբալայի» հետ: Ադրբեջանի դիրքորոշումը հետևյալն է` սպորտը չի կարելի օգտագործել քաղաքական նպատակներով: Նման հայտարարություն է արել Ադրբեջանի ԱԳՆ մամուլի քարտուղար Հիքմեթ Հաջիևը: Նա նշել է, որ վերջին 10 տարում Ադրբեջանում անցկացվել է մոտ 300 միջազգային սպորտային միջոցառում, որին մասնակցել է ավելի քան 100 հայ մարզիկ, այդ թվում նաև Հայաստանից: «Մասնակցելով նման մրցումների, յուրաքանչյուր պետություն ելնում է ՈւԵՖԱ-ի ընդհանուր կանոններից: Ֆուտբոլը թիմային մարզաձև է: Աստեղ որպես հիմք է ընդունվում թիմային մոտեցումը, ոչ թե առանձին անհատները: Դրոտմունդի «Բորուսիայի» այցն Ադրբեջանի նույնպես թիմային է, ոչ թե առանձին անհատների այց»,-ասել է Ադրբեջանի ԱԳՆ պաշտոնական ներկայացուցիչը: Ինչ վերաբերում է Լեռնային Ղարաբաղ այցելած անձանց «սև ցուցակին», ապա, ըստ Հաջիևի, յուրաքանչյուր դեպք անհատական մոտեցում է պահանջում: Մինչդեռ հայ մարզիկների մասնակցությունը Բաքվում անցկացվող մրցումներին հաճախ է ուղեկցվում միջադեպերով` մարզիկներին, Հայաստանի դրոշն ու օրհներգը դիմավորում են սուլոցներով, մարզիկներին և պատվիրակության անդամներին անվտանգության նկատառումներով արգելվում է լքել հյուրանոցը: 2010-ին Հայաստանի ըմբշամարտի հավաքականը հրաժարվեց մասնակցել Ադրբեջանում անցկացող Եվրոպայի առաջնությանը: 2012-ին Հայաստանի շախմատի հավաքականի առաջատար Լևոն Արոնյանը հրաժարվեց մասնակցել հավակնորդների մրցաշարին Բաքվում և նամակ հղեց Իլյումժինովին` նշելով, որ ընդունող կողմը չի կարող ապահովել անհրաժեշտ պայմանները խաղի վրա կենտրոնանալու համար: Սակայն 2014-ին Լևոն Արոնյանը տվեց իր համաձայնությունն Աշխարհի գավաթին մասնակցելու վերաբերյալ, որը կայանալու է 2015-ին Բաքվում: Հղումներ թեմայով. Ուշագրավ Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |