Bloomberg. Ադրբեջանի ռազմական բյուջեի կտրուկ աճը չի մտահոգում Լեռնային Ղարաբաղին26 հոկտեմբերի 2015 - 11:09 AMT PanARMENIAN.Net - Bloomberg-ն անդրադարձել է ղարաբաղյան հակամարտության գոտում վերջին շրջանում աճող լարվածությանը: Պարբերականը նշում է, որ նավթագազային նախագծերի մեկնարկից հետո Ադրբեջանը մոտ 50 մլրդ դոլար է վաստակել և ավելացրել է ռազմական բյուջեն ավելի քան 30 անգամ: Դա, սակայն, չի մտահոգում Լեռնային Ղարաբաղի պաշտպանության նախարար Լևոն Մնացականյանին: Նա նշում է, որ նոր պատերազմի դեպքում հարվածի տակ առաջինը կհայտնվի Բաքու-Թբիլիսի-Ջեյհան նավթամուղը, որն անցնում է հակամարտության գոտուց ընդամենը 50 կմ հեռավորության վրա, և որով օրական մոտ 1,2 մլն բարել նավթ է տեղափոխվում: «Դա շատ լուրջ ֆինանսական ռեսուրս է Ադրբեջանի համար, և մենք պետք է զրկենք նրան այդ միջոցներից, հայտարարել է Լևոն Մնացականյանը սեպտեմբերի 30-ին Ստեփանակերտում տված հարցազրույցում: «Եթե 20 տարի առաջ մենք իմանայինք, թե ինչ իրավիճակ կստեղծվի այսօր, երբեք չէինք ստորագրի հրադադարի մասին համաձայնագիրը»,-ասել է նա: Լեռնային Ղարաբաղի նախագահ Բակո Սահակյանն, իր հերթին, համեմատել է զենքի առաքումներն Ադրբեջանին «Իսլամական պետությանը» զենքով մատակարարելու հետ: Սակայն, ինչպես հայտարարել է Սահակյանը, հայերը միևնույն է չեն ցանկանում, որ լարվածության աճը հանգեցնի պատերազմի և անում են ամեն հնարավորը պաշտպանելու համար պետությունը: Վլադիմիր Պուտինը, որը 2008 թ. Վրաստանում ցույց տվեց, որ Ռուսաստանը մտադիր է պահպանել հսկողությունը տարածաշրջանում, հեռվից հետևում է իրավիճակին, գրում է պարբերականը: Երկրում է գտնվում միակ ռուսական ռազմակայանը տարածաշրջանում , սակայն Ռուսաստանը զենք է վաճառում ինչպես Հայաստանին, այնպես էլ Ադրբեջանին: Ստատուս կվոյի պահպանումը հայերի օգտին է: «Ժամանակը աշխատում է մեր օգտին: Որքան շատ է ժամանակ անցնում, այնքան շատ են աճում մեր հաջողությունները պետականաշինության գործում և մոտենում է անկախության ճանաչումը»,-մեջբերում է պարբերականը ԼՂՀ ԱԳ նախարար Կարեն Միրզոյանի հայտարարությունը: Մինչդեռ Jane’s Intelligence Review-ն նշում է, որ ծանր սպառազինության կիրառման դեպքերի աճը հակամարտության գոտում հանգեցրել է ամենամեծ կորուստներին 1994 թվականից ի վեր: Ադրբեջանը փորձում է վերանայել պատերազմի արդյունքները, սակայն հակամարտության ընթացքը մնում է քաղաքական հունում, նշում է պարբերականը: Հղումներ թեմայով. Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |